ආණ්ඩුවේ තහනම අපි පිළිගන්නේ නැහැ. ජාත්‍යන්තර කම්කරු දින සැමරුම අපි අනිවාර්යයෙන්ම පවත්වනවා යැයි ජනතා විමුක්ති පෙරමුණේ නායක අනුර කුමාර දිසානායක මහතා පවසයි.
ජේ. ආර්. ගේ මැයි දින තහනම නොපිළිගත් වැඩකරන ජනතාව මේ ආණ්ඩුවේ අර්බුදය වහගන්න පනවන තහනම් පිළිගන්න සුදානම් නැති බවද සෞඛ්‍ය මාර්ගෝපදේශයන්ට යටත්ව මැයි දින සැමරුම පැවැත්විමට තම පක්ෂය සියලු කටයුතු සුදානම් කර ඇති බවද ඔහු පැවසීය.
දිසානායක මහතා මේ බව සඳහන් කළේ පැලවත්තේ පිහිටි ජනතා විමුක්ති පෙරමුණේ ප්‍රධාන කාර්යාලයේදි පැවති මාධ්‍ය හමුවකදීය.
ආණ්ඩුව මෙම තීරණය ගනු ලැබුවේ තමන් සමග සිටින පක්ෂ අතර පවතින අර්බුදය සමාජගතග විම වැළැක්වීමට බවද එය තම පක්ෂයට අදාල නොවන බවද ඔහු පැවසීය. මෙම තීරණයට සියලු පක්ෂ එකගයැයි ආණ්ඩුව සටකපට ප්‍රකාශයක් කළද තම පක්ෂය එයට එකග නැති බව ප්‍රකාශ කළ බවද ඔහු පැවසීය.
- Lankadeepa
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ