බේරුවල බද නාගොඩ දේශයේ පදිංචි වයෝවෘද්ධ (83) පුද්ගලයෙකුට කොස්සකින් පහරදී හිරිහැර කරන ලදැයි කියන හතළිස් තුන් හැවිරිදි කාන්තාවක් (28) දින බේරුවල පොලිසිය විසින් අත්අඩංගුවට ගත් බව කියයි .
හතළිස් තුන් හැවිරිදි දියණිය තමන්ට කොස්සකින් පහරදී හිරිහැර කරන ලදැයි 83 වියේ පසුවන පියා වන පුද්ගලයා බේරුවල පොලිසියට කරන ලද පැමිණිල්ලක් මත ක්‍රියාත්මක නිලධාරීන් කණ්ඩායමක් සැකකාර කාන්තාවගේ නිවසට ගොස් අත්අඩංගුවට ගත් බවකියයි.
පහර කෑමට ලක් වූ පුද්ගලයා තම මහගෙදර දියණිය සිටින නිවෙසට පැමිණි අවස්ථාවේ මෙලෙස පහර දී ඇති බවත් මෙම පුද්ගලයාට තවත් දියණියන් තිදෙනෙක් ද සිටින බවත් මහගෙදර අයිතිය සම්බන්ධයෙන් ඇතිවූ ආරවුලක් මුල්කරගෙන තම පියාට සැකකාර දියණිය පාර දී දී තිබෙන බව පොලීසිය අනාවරණය කරගෙන තිබේ .
අත්අඩංගුවට ගත් සැකකාර කාන්තාව පැය කීපයක් පොලිසියේ රඳවා තබා ප්‍රශ්නකර පොලිස් ඇප මත මුදාහැර තිබේ.
ඉදිරි දිනෙක අධිකරණයට ඉදිරිපත් කිරීමට දින නියම කෙරේ .
- lanka news
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ