විකෘති සැර වෛරස ප්‍රභේද ඇත්දැයි සෙවීමට කොරෝනා ආසාදිතයන්ගේ තවත් ජෛව පටල සාම්පල 90ක් සම්බන්ධයෙන් පරීක්ෂණ ආරම්භ කළ බව ශ්‍රී ජයවර්ධනපුර විශ්ව විද්‍යාලයේ වෛද්‍ය පීඨයේ ආසාත්මිකතා ,ප්‍රතිශක්ති වේද හා සෛල ජෛව විද්‍යා අධ්‍යයන අංශයේ ප්‍රධානී ආචාර්ය චන්දිම ජීවන්දර මහතා පැවැසීය.
විදේශයන්හි සිට පැමිණි පිරිසකගේ සාම්පල ද ඒ අතර වෙතියි ඔහු කීය .
මෙම ජෛව පටල සාම්පල 90 ලබාගෙන ඇත්තේ දිවයිනේ විවිධ ප්‍රදේශ වලිනි .
බ්‍රිතාන්‍යයේ පැතිර ඇති බ්117 සැර විකෘති වෛරස ප්‍රභේදය සහ ලංකාවේ පැතිර තිබූ සාමාන්‍ය වෛරසයේ විකෘතිතා ලක්ෂණ පවතින්නේ දැයි හඳුනා හඳුනාගැනීම මෙම පරීක්ෂණයේ මූලික අරමුණ බව චන්දිම ජීවන්දර මහතා පැවසුවේය .
බ්‍රිතාන්‍යයේ පැතිර ඇති බ්117 සැර විකෘති වෛරස ප්‍රභේදය දිවයිනේ විවිධ ප්‍රදේශවලින් ලැබුණ ජෛව පටල සාම්පලවල තිබී ජීවන්දර මහතා ප්‍රධාන වෛද්‍ය පර්යේෂකයන් කණ්ඩායමක් විසින් පසුගියදා සොයා ගනු ලැබීය.
කොළඹ බොරලැස්ගමුව , කුරුණෑගල ගාල්ල සහ කළුතර යන ප්‍රදේශවලින් ලැබුණ ජෛව පටල සාම්පලවල තිබී එම සැර විකෘති වෛරස ප්‍රභේදය මෙසේ සොයා ගන්නා ලදී.
මේ අතර මෙම සැර විකෘති වෛරස ප්‍රභේදය වාතය මඟින් ද පැතිරීමේ හැකියාවක් ඇතැයි විවිධ රටවල කරන ලද පරීක්ෂණවලදී තහවුරු වී ඇතැයි සෞඛ්‍ය අංශ ප්‍රධානීහු පවසති.
මේ තත්ත්වය හේතුවෙන් පුද්ගල දුරස්ථභාවය මීටරය නොව ඊට වඩා දෙගුණයක් තුන්ගුණයක් තබා ගැනීම වැදගත් බව ඔවුහු සඳහන් කරති.
- Lankadeepa
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ