කොරෝනා ප්‍රතිකාර මධ්‍යස්ථානවලට දින දහයක් ඇතුළත ඇදන් 10,000 ක් සැපයීමට පොදුජන පෙරමුණ යෞවන සමාජය ඇතුලු ස්වේච්ඡා සංවිධානයන් මගින් කටයුතු කරමින් සිටින බව අමාත්‍ය නාමල් රාජපක්ෂ මහතා පවසයි.
කොරෝනා රෝගීන්ට ප්‍රතිකාර කිරීම ගම්පහ , වැරැල්ලවත්ත ප්‍රදේශයේ දැනට භාවිතා නොකරන ඇගළුම් කම්හක් ප්‍රතිකාර මධ්‍යස්ථානයක් ලෙස සකස් කිරීම නාවික හමුදාව මගින් සිදු කරන අතර එහි කටයුතු නිරීක්ෂණය සදහා පැමිණි අවස්ථාවේ අමාත්‍යවරයා මේ බව සඳහන් කරයි.
කොවිඩ් 19 රෝග තත්ත්වය ව්‍යාප්තිය පාලනය පිනිස රජය විශාල වැඩපිළිවෙළක් ක්‍රියාත්මක කොට ඇති බවත් සෞඛ්‍ය අමාත්‍යාංශය, ත්‍රිවිධ හමුදාව, පොලීසිය ඇතුළු රාජ්‍ය නිලධාරීන් විශාල කැපවීමකින් යුතුව මැදිහත්ව කටයුතු කරන බවත් පැවසූ අමාත්‍ය නාමල් රාජපක්ෂ මහතා, මෙම අවස්ථාවේ දේශපාලන භේදයකින් තොරව සැවොම සහාය ලබා දීම කළ යුතුව ඇතැයිද කියයි.
යෞවන සමාජ ඇතුලු ස්වේච්ඡා සංවිධාන මගින් සකස් කරනු ලබන ඇදන් 10,000 සෞඛ්‍ය අමාත්‍යාංශය වෙත කඩිනමින් බාරදීමට පියවර ගන්නා බවද හෙතෙම සඳහන් කරයි.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ