ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ මහතා හදිසියේ විදෙස්ගත වූයේ කිසිදු අසනීප තත්වයකට ප්‍රතිකාර ලබාගැනීම සඳහා නොව ඒ මහතාගේ පෞද්ගලික කාරණයක් නිසා බව ක්‍රීඩා හා තරුණ කටයුතු අමාත්‍ය නාමල් රාජපක්ෂ මහතා පවසයි.
“එතුමා පෞද්ගලික කාරණයක් මත විදේශගත වුණා. ඉතිං ඒක සාමාන්‍ය කාරණයක්. එතුමා සති තුනක් ඇතුළත නැවත ලංකාවට එන්න බලාපොරොත්තු වෙනවා. එතුමාට ප්‍රතිකාරවලට යන්න කිසිම ලෙඩක් තිබ්බෙ නෑ. ඊයෙ යනකොටත් මට හම්බවෙන කොටත් කිසිම ලෙඩක් තිබ්බෙ නෑ. එතුමා පැහැදිලිවම පෞද්ගලික කාරණයක් මත ගියේ. ඉතිං හැමෝගෙම පෞද්ගලික ජීවිතයේ පෞද්ගලික කාරණා තියෙනවා. ඒවා මං හිතන්නෙ අපි වැඩිය ඇඟිලි ගහන්න හොඳ නෑ” යනුවෙනුයි ඒ මහතා සඳහන් කළේ.
අමාත්‍ය නාමල් රාජපක්ෂ මහතා මේ බව පැවසුවේ ඊයේ (13) මාධ්‍යවේදීන් නැඟූ ප්‍රශ්නයකට පිළිතුරු ලබාදෙමිනි.
- Lanka News web
More Stories
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම