කොළඹ වරාය නගර විශේෂ ආර්ථික කොමිෂන් සභා පනත් කෙටුම්පත සම්බන්ධයෙන් පාර්ලිමේන්තුවේ ඡන්දය විමසන අවස්ථාවේදී සිදු වූ දෝෂය සම්බන්ධයෙන් විමර්ශනයක් පවත්වා ඡන්දය ප්‍රකාශ වූ නිවැරදි ආකාරය ගැන ජනතාව දැනුවත් කරන්නැයි තමා කතානායකවරයාගෙන් ඉල්ලා සිටි බව අධිකරණ අමාත්‍ය ජනාධිපති නීතිඥ අලි සබ්රි මහතා පවසයි .
පනත් කෙටුම්පතට ඡන්දය ලබාගෙන එය ගණනය කරන අවස්ථාවේදී කුමන හේතුවක් නිසා හෝ පනතට පක්ෂව ඡන්දය දුන් තමාගේත් ජයරත්න හේරත් මන්ත්‍රීවරයාගේත් ඡන්දය නිවැරදිව ගණනය වී නොතිබූ බවත් එය නිවැරැදිව ගණනය වූයේ නම් පනත් කෙටුම්පතට තුනෙන් දෙකක බහුතරයක් හිමිවන බවත් අධිකරණ ඇමැතිවරයා කියයි.
තමා ඡන්දය ගණනය කිරීමේ ඉලෙක්ට්‍රොනික පද්ධතිය ඔස්සේ ඡන්දය නිවැරදිව පාවිච්චි කළ නමුත් කාරක සභා අවස්ථාවේදී පනතට සංශෝධන එකතු කිරීමට දැඩි අවධානයක සිටි හෙයින් ඡන්දය පාවිච්චි කිරීම රූපවාහිනී තිරයේ දිස් වූ ආකාරය නිරීක්ෂණය කිරීම අතපසු වූ බව ද පැවැසුවේය.
කෙසේ වෙතත් පනතට තුනෙන් දෙකක බහුතරයක් හිමිවූ බව මේ අනුව පැහැදිලි යැයිද කතානායකවරයා එම වරද නිවැරදි කර ජනතාවට කරුණු පැහැදිලි කර දෙනු ඇතැයි ද අධිකරණ ඇමතිවරයා ප්‍රකාශ කළේය.
කතානායකවරයා එම ඉල්ලීමට එකඟවූ බව අලි සබ්රි මහතා වැඩිදුරටත් කීවේය .
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ