දෙවන වරටත් සිය විවාහ මංගල්‍යය කල් දැමීමට සිදුවූ මෙල්බර්න් පෙම්වතුන් යුවළක් ඔවුන් මිළයට ගත් මල් අලෙවි කිරීම සඳහා අපූරු ක්‍රමයක් සොයාගෙන තිබේ.
2018 වසරේදී විවාහ ගිවිසගත් මොවුන් පසුගිය වසරේ එනම් 2020 වසරේ මැයි මාසයේදී විවාහවීමට සූදානමින් සිටියහ.
එහෙත් කොවිඩ් පළමු රැල්ල නිසා ඔවුන්ට ඒ සඳහා අවස්ථාව නොලැබිණ.
මෙම සති අන්තයේදී පැවැත්වීමට නියමිත වූ විවාහය දෙවන වරටත් කල් දැමීමට ඔවුනට සිදුවුයේ මෙල්බර්න් නගරය ක්ෂණිකව දින 07 කට Lockdown කිරීමට බළධාරීන් කටයුතු කිරීම හේතුවෙන්.
ඒ අනුව දැනටමත් මිළයට ගෙන තිබූ මල් අලෙවි කිරීමට ඔවුන් යොදාගත් උපක්‍රමය වන්නේ සිය වාහනය තුළ තබා මෙම මල් අලෙවි කිරීමයි.
ඒ අනුව එක් මල් පොකුරක් ඩොලර් 10 සිට ඉහළට වන පරිදි මිළ යොදා අලෙවි කෙරෙන අතර ප්‍රදේශවාසීන්ගෙන් මෙන්ම අසල්වාසී වෙළඳසැල් හිමියන්ගෙන් ඉහළ සහයෝගයක් හිමිවූ බව මොවුන් දෙදෙනා පවසා තිබිණ.
More Stories
පොදු සංවර්ධනයකින් යුත් සුසංයෝගී ලෝකයක් ගොඩනැගීමට චීනය හා ඉතාලිය එක්ව උත්සාහ කළ යුතුයි–චීන ජනපති
චීන ජනපති මැලේසියානු අගමැති හමු වේ
සාමකාමී ලෙස බල හුවමාරුව සිදුවනු ඇතැයි ඇමරිකා ජනාධිපති ජෝ බයිඩන් කියයි