ඉදුරුව, මහ ඉදුරුව ගල්කන්ද විජයධම්ම පිරිවෙනෙහි විහාරාධිපති යටියන බුද්ධානන්ද හිමියන් ඝාතනය කර ඇතැයි කොස්ගොඩ පොලීසිය කියයි.
ඝාතනය කරන ලද මේ හිමියන්ගේ සිරුර අද (29 ) උදැසන විහාරස්ථානයේ තිබියදි සොයා ගැනුණු බවද පොලීසිය කියයි. හිමියන්ගේ දෙපා ගැට ගසා, කටට පාන්කඩ ඔබා තිබුණු බවද පොලීසිය කියයි.
විහාරස්ථානය මංකොල්ලා කෑමට පැමිණි පිරිසක් උන්වහන්සේ ඝාතනය කරන්නට ඇතැයි පොලීසිය සැකකරයි. විහාරස්ථානයේ කුටි කිහිපයක් අවුස්සා ඇති බව නිරීක්ෂණයවූ බවද පොලීසිය කියයි.
ඊයේ (28 ) රාත්‍රියේදී උන්වහන්සේ ඝාතනය කරන්නට ඇතැයි තමන් සැකකරන බවත් පොලිසිය පවසයි.
අවශ්‍යතාවයකට විහාරස්ථානයකට ගිය ළමයි දෙදෙනෙකු විහාරාධිපති හිමියන් ගැන සොයා බැලීමේදී උන්වහන්සේගේ මළ සිරුර දැක ඇත. ඒ බව තමන්ට දැන්වීමෙන් අනතුරුව විහාරාධිපති හිමියන්ගේ මළ සිරුර අද (29 ) සොයාගත් බවද පොලීසිය කියයි.
උන්වහන්සේ මිය යනවිට 73 හැවිරිදි වියේ පසුවූහ.
කොස්ගොඩ පොලීසිය මේ පිළිබදව වැඩිදුර පරීක්ෂණ පවත්වයි.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ