ජිනීවාහි එක්සත් ජාතින්ගේ මානව හිමිකම් කවුන්සිලයේ 44 වැනි සැසියේදී සිය ආරම්භක දේශනය සිදු කරමින් එක්සත් ජාතින්ගේ මානව හිමිකම් මහ කොමසාරිස් මිෂෙල් බැචලෙට් ශ්‍රී ලංකාව පිළිබඳ කනස්සල්ල පළ කර ඇත.
මානව හිමිකම් පිළිබඳ ගෝලීය යාවත්කාලීන කිරීම් සහ කොවිඩ් 19 වසංගතයේ බලපෑම හමුවේ ශ්‍රී ලංකාවේ මුස්ලිම් ප්‍රජාව ඉලක්ක කරගත් අපකීර්තිමත් සිදුවීම් වාර්තා වන බව මහකොමසාරිස්වරිය එහි දී ප්‍රකාශ කර තිබේ.
ඊයේ පැවැති ආරම්භක දේශනයේ දී ඇය වැඩිදුරටත් මෙසේද සඳහන් කළාය.
‘‘ශ්‍රී ලංකාවේ සහ ඉන්දියාවේ මුස්ලිම් සුළුතරයේ සාමාජිකයන් ඉලක්ක කර ඇත්තේ කොවිඩ් 19 සමග සම්බන්ධ කරන අපකීර්තිමත් සහ වෛරී ප්‍රකාශවලිනි. එසේම කොවිඩ් 19 ආසාදනය වී ඇතැයි අනුමාන කරන පුද්ගලයන්ට එරෙහි අපකීර්තිමත් ප්‍රකාශ මෙන්ම තර්ජනය කිරීම්ද දැක ගත හැකිය.’’
ශ්‍රී ලංකාව ඇතුළු රටවල් ගණනාවක වසංගතය හේතුවෙන් ඇති වූ ආර්ථීක අවපාත හේතුවෙන් කර්මාන්ත ක්ෂේත්‍රයේ මානව හිමිකම් උල්ලංඝනය වීම් රැසක් පිළිබඳ වාර්තා වන බවද මහකොමසාරිස්වරිය සිය දීර්ඝ කතාවේ සඳහන් කර ඇත.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ