අතීතය ගැන පමණක් කථා කරමින් සිට වත්මන් ප්‍රශ්නවලට විසඳුම් සොයන්නට නොහැකි යැයි එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ මහතා පිටකෝට්ටේ සිරිකොත එක්සත් ජාතික පක්ෂ මූලස්ථානයේ දී අද (28) පැවසීය.
පශ්චාත් කොරෝනා යුගයේ රට ගොඩනැගීමට ඇති එකම මඟ කිසිම දේශපාලන පක්ෂයකට වෙනස් කළ නොහැකි ශක්තිමත් දිගුකාලීන ජාතික ප්‍රතිපත්ති මාලාවක් සකස් කිරීම බවද වික්‍රමසිංහ මහතා එහිදී අවධාරණය කළේය.
එජාප නායකයා මෙි බව කීවෙි සමගි ජන බලවේගයට සහය දැක්වීම නිසා පක්ෂයෙන් ඉවත් කෙරුණු මහ නගර සභා, නගර සභා සහ ප්‍රාදේශීය සභා මන්ත්‍රීවරුන් වෙනුවට පත් කෙරුණු නවක මන්ත්‍රීවරුන් 72 දෙනකු සිය ධුර වල දිවුරුම් දීම වෙනුවෙන් පැවති කෙටි උත්සව සභාවේ දීය.
මෙහිදී “සිය රට” එජාප නිල පුවත්පත ඊ පුවත්පතක් ලෙස එළි දැක්වීම ද සිදු කෙරිණි.
මෙම අවස්ථාවට නියෝජ්‍ය නායක රුවන් විජයවර්ධන, සභාපති වජිර අබෙිවර්ධන, මහලේකම් පාලිත රංගේ බණ්ඩාර, උපනායක අකිල විරාජ් කාරියවසම් මහත්වරු ප්‍රමුඛ එජාප නායකයෝ ද මෙම අවස්ථාවට සහභාගී වූහ.
- Lankadeepa
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ