ශ්‍රී ලංකා නාවික හමුදාව විසින් දින තුනක් තුළ මන්නාරම, අච්චානකුලම්, නරුවිලිකුලම් සහ සවුත්බාර් යන වෙරළ ප්‍රදේශයන්හි සිදුකළ විශේෂ සෝදිසි මෙහෙයුම් මඟින් නීතිවිරෝධී ලෙස මෙරටට රැගෙනවිත් තිබු වියළි කහ කිලෝ 2021 ග්‍රෑම් 400ක් තම භාරයට ගෙන තිබේ.
එම ජාවාරමට සම්බන්ධ සැකකරුවන් 06ක්, ඩිංගි යාත්‍රා 02 ක්, වෑන් රථයක් සහ ත්‍රීරෝද රථයක් ද නාවික හමුදා භාරයට ගැනීමට කටයුතු කෙරිණි.
අච්චානකුලම් වෙරළ ප්‍රදේශයේදී නාවික හමුදා භාරයට ගත් මන්නාරම අරිප්පු ප්‍රදේශයේ පදිංචි සැකකරුවන් නිරෝධායනය සඳහා මන්නාරම මහජන සෞඛ්‍ය පරීක්‍ෂක වෙත භාරදීමට කටයුතු කර ඇති අතර, එම වියළි කහ තොගය ඉදිරි නීතිමය කටයුතු සඳහා යාපනය රේගු කාර්යාලය වෙත භාරදී තිබේ.
නරුවිලිකුලම් වෙරළ තීරයේදී නාවික හමුදා භාරයට ගත් වියළි කහ තොගය ඉදිරි නීතිමය කටයුතු සඳහා ඉදිරිපත්කරන තෙක් නාවික හමුදා භාරයේ ඇති අතර අද (01) සවුත්බාර් ප්‍රදේශයේදී නාවික හමුදා භාරයට ගත් කහ තොගය, සහ මන්නාරම ප්‍රදේශයේ පදිංචි සැකකරුවන් සිව්දෙනා (04), වෑන් රථය සහ ත්‍රීරෝද රථය ඉදිරි නීතිමය කටයුතු සඳහා මන්නාරම පොලීසිය වෙත භාරදුන් බව ශ්‍රී ලංකා නාවික හමුදාව පවසයි.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ