කොවිඩ් -19 වෛරසයේ මූලාරම්භය සොයා බැලීමට සිදුකරන පරීක්ෂණ සඳහා සහයෝගය ලබාදෙන ලෙස ලෝක සෞඛ්‍ය සංවිධානය චීනයෙන් ඉල්ලීමක් කර තිබේ.
ලෝක සෞඛ්‍ය සංවිධානයේ ප්‍රධානී ටෙඩ්ඩ්‍රෝස් අද්නාම් ගේබ්‍රියේසස් පවසන්නේ කොවිඩ් -19 වෛරසය සම්බන්ධයෙන් ලෝක සෞඛ්‍ය සංවිධානය සිදුකරන දෙවන අදියරේ පරීක්ෂණ සඳහා චීනය විනිවිදභාවයකින් යුතුව සහයෝගය ලබාදිය යුතු බවය.
ලෝක සෞඛ්‍ය සංවිධානය සිදුකළ පරීක්ෂණවල පළමු අදියර පසුගිය පෙබරවාරි මාසයේදී අවසන් විය.
චීනයේ වූවාන්හි රසායනාගාරයකින් වෛරසය ආරම්භ වූ බවට සාක්ෂි නොමැති බවත් එය වවුලන්ගෙන් ඇති වූවක් බවත් එහිදී නිගමනය වී තිබුණි.
කෙසේවෙතත් ජිනීවාහිදී අදහස් දක්වමින් ලෝක සෞඛ්‍ය සංවිධානයේ ප්‍රධානියා පෙන්වා දී ඇත්තේ මෙම වසංගතය ඇතිවීමට පෙර සිටි රෝගීන්ගේ දත්ත ද පරීක්ෂණ කටයුතු සඳහා අත්‍යවශ්‍ය බවය.
පළමු පරීක්ෂණ වටයේදී චීනය විසින් අදාළ දත්ත ලෝක සෞඛ්‍ය සංවිධානයට ලබා නොදුන් බවද ලෝක සෞඛ්‍ය සංවිධානයේ ප්‍රධානියා සඳහන් කර තිබේ.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්