ජපානයේ ටෝකියෝ හි පැවැත්වෙන 2020 ඔලිම්පික් ක්‍රීඩා උළලෙ දී ප්‍රථම රන් පදක්කම හිමි කරගැනීමට චීනයේ යැං ක්වාන් ක්‍රීඩිකාව සමත්වී තිබේ.
මීටර් 10 වායු රයිෆල් කාන්තා තරඟ ඉසව්වේදී රුසියානු ක්‍රීඩිකා ඇනස්ටේෂියා ගලෂිනා පරාජයට පත් කරමින් යැං ක්වාන් එහි රන් පදක්කම හිමි කරගැනීමට සමත්වී විය.
ඒ අනුව එම තරඟ ඉසව්වේ රිදී පදක්කම රුසියානු ක්රීකඩිකාවට හිමිවී ඇති අතර ලෝකඩ පදක්කම ස්විට්සර්ලන්ත ක්‍රීඩිකාවක් විසින් හිමිකරගෙන ඇත.
මේ අතර ටෝකියෝ ඔලිම්පික් උළලේදී ශ්‍රී ලංකාව නියෝජනය කරමින් තරග වැදුණු පළමු ක්‍රීඩිකාව ලෙස වෙඩිතැබීමේ ක්‍රීඩිකා ටෙහානි එගොඩවෙල අද (24) උදෑසන තරග බිමට පිවිසුණි.
කාන්තා මීටර 10 වායු රයිෆල් වෙඩි තැබීමේ ඉසව්වට සහභාගී වූ ශ්‍රී ලංකාවේ ටෙහානිට, එම වටයට සහභාගී වූ ක්‍රීඩිකාවන් 50 දෙනා අතරින් හිමිවූයේ 49 වැනි ස්ථානයයි.
සුදුසුකම් ලබාගැනීමේ වටයේදී ටෙහානි එගොඩවෙල ලකුණු 611.5ක් හිමිකර ගත්තාය.
ඒ අනුව ඇයට එම ඉසව්වේ අවසන් වටයට සුදුසුකම් ලබාගැනීමට හැකිවූයේ නැත.
මීටර 10 කාන්තා වායු රයිෆල් වෙඩි තැබීමේ ඉසව්වේ අවසන් වටය සඳහා සුදුසුකම් ලබා ගත්තේ ක්‍රීඩිකාවන් 8 දෙනෙක් පමණි.
පිහිනුම් ක්‍රීඩිකා අනීකා ගෆූර් සහ බැඩ්මින්ටන් ක්‍රීඩක නිලූක කරුණාරත්න අද පස්වරුවේ සිය ඉසව්වල මූලික වටයේ තරගවලට සහභාගීවීමට නියමිතය.
photo by gettyimages
More Stories
ශ්‍රී ලංකා ක්‍රිකට් ඒ කණ්ඩායමට තීරණාත්මක දවස
පැරිස් පැරාලිම්පික් ක්‍රීඩා උළෙල ඇරඹීමට සූදානම්
විදේශයන්හි පැවති ඔලිම්පික් ක්‍රීඩා උළෙලක විශිෂ්ටතම දස්කම් දැක්වීමට චීනය මෙවර සමත් වෙයි