ගාල්ල සිට හම්බන්තොට හරහා පොතුවිල් දක්වා සහ පුත්තලම සිට මන්නාරම හරහා කන්කසන්තුරය දක්වා වන ගැඹුරු සහ නොගැඹුරු මුහුදු ප්‍රදේශ සඳහා කාලගුණ විද්‍යා දෙපාර්මේන්තුව විසින් අවවාදාත්මක නිවේදනයක් නිකුත් කර තිබේ.
එහි දැක්වෙන්නේ එම ප්‍රදේශවල සුළඟේ වේගය විටින්විට පැ.කි.මී. 70 දක්වා ඉහළ යා හැකි බවය.
සෙසු මුහුදු ප්‍රදේශවල ද සුළඟේ වේගය විටින්විට පැ.කි.මී 60 දක්වා ඉහළ යා හැකි බව සඳහන් වේ.
එමෙන්ම, ගාල්ල සිට හම්බන්තොට හරහා පොතුවිල් දක්වා සහ පුත්තලම සිට මන්නාරම හරහා කන්කසන්තුරය දක්වා වන මුහුදු ප්‍රදේශ ද ඉතා රළුවිය හැකි බවද එම නිවේදනයෙන් පෙන්වා දෙයි.
ධීවර සහ නාවුක ප්‍රජාව මේ සම්බන්ධයෙන් ඉතා අවධානයෙන් කටයුතු කළයුතු බවද කාලගුණ විද්‍යා දෙපාර්මේන්තුව වැඩිදුරටත් සඳහන් කරයි.
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්