අධිකරණයේ ස්වාධීනත්වය හා නීතියේ ආධිපත්‍යය සුරක්ෂිත කිරීම වෙනුවෙන් ශ්‍රී ලංකා රජය ගෙන යන වැඩ පිළිවෙළ ශ්‍රී ලංකාවේ නවසීලන්ත මහ කොමසාරිස් මයිකල් ඇපල්ටන් මහතාගේ විශේෂ ඇගයීමට ලක්විය.
අධිකරණ අමාත්‍ය ජනාධිපති නීතිඥ අලි සබ්රි සහ ශ්‍රී ලංකාවේ නවසීලන්ත මහ කොමසාරිස්වරයා ලෙස අභිනවයෙන් පත් වු මයිකල් ඇපල්ටන් යන මහත්වරුන් අතර විශේෂ හමුවක් අධිකරණ අමාත්‍යාංශයේදී ඊයේ (29) පැවැත්විණ.
ඉහත කාරණය නවසීලන්ත මහ කොමසාරිස්වරයාගේ විශේෂ ඇගයීමට ලක්වූයේ ඒ අවස්ථාවේදීය.
දෙරට අතර පවතින අන්‍යොන්‍ය සහයෝගීතාවය වැඩි දියුණු කිරීම සම්බන්ධයෙන්ද මෙහිදී සාකච්ඡා විය.
මෙරට අධිකරණ පද්ධතියේ යටිතල පහසුකම් සංවර්ධනය මෙන්ම නව නීති ප්‍රතිසංස්කරණ කිරීම සඳහා ගෙනයන වැඩ පිළිවෙළ පිළිබඳව අධිකරණ ඇමැතිවරයා මහ කොමසාරිස්වරයා දැනුවත් කළේය.
ශ්‍රී ලංකාව සහ නවසීලන්තය අතර දිගු කාලයක සිට දැඩි මිත්‍රත්වයක් පවතින බවත් මෙරට ආර්ථික සංවර්ධන කටයුතු සඳහා නවසීලන්ත රජය ලබා දෙන සහයෝගය අගය කරන බවත් අලි සබ්රි මහතා වැඩිදුරටත් කීවේය.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ