ශ්‍රී ලංකා ක්‍රිකට් ආයතනය සංවිධානය කරන ආරාධිතයින්ගේ විස්සයි 20 ලීග් ක්‍රිකට් තරගාවලියේ ඊයේ (14) පැවති තරගයෙන් REDS කණ්ඩායම පරදවා GREYS කණ්ඩායම ලකුණු 35ක ජයක් හිමි කරගෙන තිබේ.
තරගයේ පළමුවෙන් පන්දුවට පහරදුන් GREYS කණ්ඩායම නියමිත පන්දුවාර 20 අවසානයේ කඩුලු 08 ක් දැවී ලකුණු 154ක් ලබා ගත්තේය.
පිළිතුරු ඉනිම සඳහා පිටියට පිවිසි REDS කණ්ඩායමට නියමිත පන්දුවාර 20 අවසානයේ කඩුලු 09ක් දැවී ලබාගත හැකි වූයේ ලකුණු 119ක් පමණි.
මේ අතර ඊයේ පැවති අනෙක් තරගයෙන් GREENS කණ්ඩායම පරදවා BLUES කණ්ඩායම කඩුලු 05 ක ජයක් හිමිකරගෙන තිබේ.
තරගයේ පළමුවෙන් පන්දුවට පහරදුන් GREENS කණ්ඩායම නියමිත පන්දුවාර 20 අවසානයේ කඩුලු 02 ක් දැවී ලකුණු 180ක් ලබා ගත්තේය.
පිළිතුරු ඉනිම සඳහා පිටියට පිවිසි BLUES කණ්ඩායම පන්දුවාර 19යි පන්දු 03ක් තුළ කඩුලු 05 ක් දැවී ජයග්‍රහණය වාර්තා කෙළේය.
මේ අතර ඉකුත් 13 වනදා පැවැති තරගයේදී දසුන් ශානකගේ නායකත්වයෙන් යුත් GREYS කණ්ඩායම GREENS කණ්ඩායම පරදවා එක ලකුණක තියුණු ජයක් වාර්තා කර තිබුණි.
එදින පැවැති අනෙක් තරගයේදී REDS කණ්ඩායම පරදවා ඇන්ජලෝ පෙරේරාගේ නායකත්වයෙන් යුත් BLUES කණ්ඩායම ලකුණු 56ක ජයක් වාර්තා කළේය.
More Stories
ශ්‍රී ලංකා ක්‍රිකට් ඒ කණ්ඩායමට තීරණාත්මක දවස
පැරිස් පැරාලිම්පික් ක්‍රීඩා උළෙල ඇරඹීමට සූදානම්
විදේශයන්හි පැවති ඔලිම්පික් ක්‍රීඩා උළෙලක විශිෂ්ටතම දස්කම් දැක්වීමට චීනය මෙවර සමත් වෙයි