Invitational T20 League තරඟාවලියේ ඊයේ (18) පැවති තරඟවලින් ජය හිමි කර ගැනීමට Greys සහ Reds කණ්ඩායම් සමත් වුණා. ඒ අනුව ඊයේ පැවති පළමු තරගය Reds කණ්ඩායම හා Blues කණ්ඩායම අතර පැවැත් වුණා.
තරගයේ පළමුවෙන් පන්දුවට පහරදුන් Blues කණ්ඩායම කඩුලු 7ක් දැවී ලකුණු 146ක් රැස් කළ අතර පිළිතුරු ඉනිම ක්‍රීඩා කළ Reds කණ්ඩායම පන්දුවාර 19ක් අවසානයේ කඩුලු 4ක් දැවී ජයග්‍රාහී ඉලක්කය පසු කළා.
ඉන් අනතුරව දෙවන තරගය ලෙස Greys කණ්ඩායම හා Greens කණ්ඩායම අතර තරගය පැවැත් වුණා. මෙම තරගයට විටින් විට වර්ෂාවෙන් බාධා එල්ල වූ අතර, ඒ අනුව තරගයේ පළමුවෙන් පන්දුවට පහරදුන් Greys ඉනිම පන්දුවාර 10කට සීමා කෙරුණා. Greys පිතිකරුවන් නියමිත පන්දුවාර 10 නිමා කළේ කඩුලු 3ක් දැවී ලකුණු 137ක් රැස් කරමින්.
පිළිතුරු ඉනිම ක්‍රීඩා කළ Greens ඉනිම අතරවාරයේ දී ද වර්ෂාවෙන් තරගයට බාධා එල්ල වූ බැවින් ඔවුන්ගේ ඉනිම පන්දුවාර 8කට පළමුව සීමා කෙරුණේ ලකුණු 111ක ජයග්‍රාහී ඉලක්කයක් ලබා දෙමින්.
කෙසේ වෙතත්, පන්දුවාර 5.3ක් අවසානයේ තරගයට යළි වර්ෂාවෙන් බාධා එල්ල වූ බැවින් තරගය අවසන් කිරීමට විනිසුරුවන් කටයුතු කළ අතර ඒ අනුව ඩක්වර්ත් ලුවිස් න්‍යාය යටතේ Greys කණ්ඩායමට ලකුණු 4ක ජයක් හිමි වුණා.
තරගය නිමා කරන විට Greens කණ්ඩායම කඩුලු 3ක් දැවී ලබා සිටි ලකුණු සංඛ්‍යාව 69ක්.
More Stories
ශ්‍රී ලංකා ක්‍රිකට් ඒ කණ්ඩායමට තීරණාත්මක දවස
පැරිස් පැරාලිම්පික් ක්‍රීඩා උළෙල ඇරඹීමට සූදානම්
විදේශයන්හි පැවති ඔලිම්පික් ක්‍රීඩා උළෙලක විශිෂ්ටතම දස්කම් දැක්වීමට චීනය මෙවර සමත් වෙයි