පසුගිය සති අන්තයේ ඇෆ්ගනිස්ථානයේ පූර්ණ බලය තලෙයිබාන් සංවිධානය විසින් අත්පත් කර ගැනීමෙන් පසුව මේ වන විට ඇමරිකානුවන් 15,000 ක් දෙනා ඇෆ්ගනිස්ථානයේ සිටින බව ඇමරිකාව ප්‍රකාශ කරයි.ඇමරිකානු ආරක්ෂක ලේකම් ලොයිඩ් ඔස්ටින් පැවසුවේ කාබුල් ගුවන් තොටුපොළ ට ආරක්ෂාව ලබාදීමෙන් ඔබ්බට ඔවුන් මුදා ගැනීම සඳහා තමන්ට හමුදා බලයක් නොමැති බවයි.
‘‘ඇමරිකානුවන් සහ අවදානමට ලක් වී සිටින ඇෆ්ගන් ජාතිකයන් ගුවන් තොටුපොළට ගෙන්වා ගැනීම සඳහා කාබුල් ගුවන් තොටුපොළ ආරක්ෂා කිරීමේ මෙහෙයුම හැරුණු විට අපට හමුදා බලඇණි හෝ ආයුධ බලය නැහැ..‘‘ යනුවෙන් ඔහු සඳහන් කර තිබේ.
ජෝ බයිඩන් විසින් ප්‍රකාශ කර තිබෙන, ඇමරිකාව සම්පූර්ණයෙන්ම ඇෆ්ගනිස්ථානයෙන් ඉවත් වීමේ අවසන් දිනය වන විට සියලු ඇමරිකානුවන් මුදා ගැනීමට හැකි වේ ද යන ප්‍රශ්නය මේ අනුව ඉතිරි වේ.
‘‘කාබුල් නගරයෙන් පිටතට මෙහෙයුම් ව්‍යාප්ත කිරීමේ හැකියාවක් අපට නැහැ..‘‘ යැයි ද ආරක්ෂක ලේකම් ඔස්ටින් කියා තිබේ.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්