වැලිකඩ රැඳවියන් 315 දෙනාට කොරෝනා නැහැ

වැලිකඩ බන්ධනාගාරයේ කොරෝනා ආසාදිත රැඳවියකු හමුවීමත් සමඟම එම බන්ධනාගාරයේ  315 දෙනෙකු පී. සී.ආර් පරීක්ෂණ වලට ලක්කළ අතර ඉන් කිසිවකුටත් කොරෝනා වයිරසය ආසාදනය වී නොමැති බව තහවුරු වී ඇතැයි යුද හමුදාපති ශවේන්ද්‍ර සිල්වා මහතා පවසයි.

මෙම රැඳවියන් හා නිලධාරීන් පිරිස  පී. සී. ආර් පරීක්ෂණ වලට යොමු කෙරුණේ කන්දකාඩුවේ සිට රැගෙන ආ රැඳවියකු පී. සී.ආර් පරීක්ෂණ තුනකට ඉදිරිපත් කිරීමෙන් පසුවය.

ඔහුට කොරෝනා ආසාදනය වී ඇත්තේ කෙසේදැයි යන්න මෙතෙක් හෙළි වී නොමැති අතර ඒ පිළිබඳව වසංගත රෝග විද්‍යා අංශය විශේෂ පරීක්ෂණයක් ආරම්භ කර ඇතැයිද වාර්තාවේ.