ඇෆ්ගනිස්තානයේ හිටපු ජනාධිපතිවරයකු වන හමීඩ් කර්සායි තලේබාන්වරුන් සමඟ සාකච්ඡා පවත්වා ඇති බවත්, තලේබාන්වරුන් පිහිටුවන නව රජය සමඟ එක්වීමට කර්සායි සූදානම් වන බවත් ඉන්දීය මාධ්‍ය වාර්තා පෙන්වා දෙයි.
හමීඩ් කර්සායි යනු, අෂ්රාෆ් ඝානීට පෙර, බටහිර අනුග්‍රහයෙන් ස්ථාපිත කළ ඇෆ්ගන් රජයේ ජනාධිපතිවරයාය. ජනාධිපති ධුරයේ සිටිද්දීත්, ඉන්පසුවත් තලේබාන් සංවිධානය සමඟ යහපත් සබඳතා ඇති කර ගැනීමටත් ඔවුන් දේශපාලන සම්බන්ධ කර ගැනීමටත් උත්සාහ කළ අයකු ලෙස කර්සායි සැලකෙයි.
පසුගිය කාලයේ තලේබාන්වරුන් සමඟ සාම වැඩපිළිවෙළක් පිළිබඳ කර්සායිගේ මැදිහත් වීමෙන් සාකච්ඡා පැවැත්වුණු බව ද ඉන්දීය පුවත් සේවා වැඩි දුරටත් වාර්තා කර තිබේ.
තලේබාන් සංවිධානයට සම්බන්ධ ‘හක්කානී’ ජාලයේ නායකයකු වන අනාස් හක්කානී සහ කර්සායි අතර හමුවක් පැවැත්විණි. ඊට කර්සායි සමඟ අබ්දුල්ලා අබ්දුල්ලා ද එක් විය. අබ්දුල්ලා අබ්දුල්ලා යනු පලා ගිය ජනාධිපති අෂ්රාෆ් ඝානීගේ රජයේ තලේබාන් සාම නියෝජිතයා ලෙස කටයුතු කළ තැනැත්තාය.
තලේබාන් සන්නද්ධ අංශ ශක්තිමත් කිරීමට අවි ආයුධ මිලදී ගැනීම සිදු කරන්නේත්, තලේබාන් සංවිධානයේ මූල්‍ය කටයුතු සියල්ල බාරව කටයුතු කරන්නේත් මෙම ‘හක්කානී’ ජාලයයි.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්