මත්ද්‍රව්‍යයන්ට ඇබ්බැහි වුවන් පුනුරුත්ථාපනය කෙරෙන කන්දකාඩු නිරෝධායන මධ්‍යස්ථානයේ සිදුකළ PCR පරීක්ෂණ වලදී තවත් කොරෝනා ආසාදිතයින් 56 දෙනෙකු වාර්තා වූ බව සෞඛ්‍ය අධ්‍යක්ෂක ජනරාල් විශේෂඥ වෛද්‍ය අනිල් ජාසිංහ ප්‍රකාශ කර සිටිනවා.
කන්දකාඩු නිරෝධායන මධ්‍යස්ථානයේ සිටි රැඳවියන් ඇතුළු කාර්ය මණ්ඩලයේ 450 දෙනෙකු මෙලෙස PCR පරීක්ෂණ සඳහා ලක් කොට ඇත.
මිට අමතරව අද දින මාරවිල ප්‍රදේශයේදී ද කාන්තාවකට කොරෝනා වෛරසය ආසාදනය වී ඇති බවට තහවුරු වී ඇත. එම කාන්තාව කන්දකාඩු හි පිහිටි මත්ද්‍රව්‍යයන්ට ඇබ්බැහි වුවන් පුනුරුත්ථාපන මධ්‍යස්ථානයෙහි උපදේශිකාවක් ලෙස සේවය කළ තැනැත්තියක් වනවා.
වැලිකඩ බන්ධනාගාරයේදී කොරෝනා ආසාදිතයෙක් වාර්තා වීමත් සමග කන්දකාඩු මත්ද්‍රව්‍යය පුනුරුත්ථාපන මධ්‍යස්ථානයේ සේවය කරන අය සම්බන්ධයෙන් PCR පරීක්ෂණ ආරම්භ කෙරුණා.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ