දරුවන්ගේ මාර්ගගත අධ්‍යාපන ක්‍රියාවලියෙන් ඉවත්ව සිටින ගුරුවරු ජාතික අධ්‍යාපන ආයතනය මාර්ගගත ක්‍රමය ඔස්සේ මෙහෙයවන පශ්චාත් උපාධි අධ්‍යාපන පාඨමාලාවලට සම්බන්ධ වී සිටිති. එම උපාධි පාඨමාලාවලට අදාළ විභාග ද අඛණ්ඩව පැවැත්වෙන බව එම ආයතනයේ අධ්‍යක්ෂ ජනරාල් ආචාර්ය සුනිල් ජයන්ත නවරත්න ‘අරුණ’ට ඊයේ ( 23 වැනිදා) පැවසීය.
පශ්චාත් උපාධි අධ්‍යාපන කළමනාකරණ ඩිප්ලෝමා , පශ්චාත් උපාධි අධ්‍යාපන ඩිප්ලෝමා, පාසල් කළමනාකරණ ඩිප්ලෝමා, පාසල් උපදේශන ඩිප්ලෝමා ඇතුළු පාඨමාලා දාහතකට අධික සංඛ්‍යාවක් එම ආයතනය පවත්වයි.
වැටුප් විෂමතා ඉවත් කරන ලෙස ඉල්ලා ගුරුවරුන් හා විදුහල්පතිවරුන් ආරම්භ කර ඇති වෘත්තිය ක්‍රියාමාර්ගයන්ට ඊයේ (23 වැනිදා) වන විට දින හැත්තෑ හතරක් ගත වී තිබේ.
මෙම වෘත්තිය ක්‍රියාමාර්ගය හේතුවෙන් මෙවර උසස් පෙළ සහ ශිෂ්‍යත්ව යන විභාග පැවැත්වීමට ද බාධා එල්ල වී ඇත. සාමාන්‍ය පෙළ විභාගයේ සෞන්දර්ය විෂයයන්වල ප්‍රායෝගික පරීක්ෂණ පැවැත්වීමේ ක්‍රියාවලියට ගුරුවරුන් සම්බන්ධ නොවන අතර උසස් පෙළ සහ ශිෂ්‍යත්ව යන විභාගවලට අදාළ අයැදුම්පත් විභාග දෙපාර්තමේන්තුවට යොමු කිරීමෙන් ද වැළකී සිටිති. පාසල් 211කින් උසස් පෙළ අයැදුම්පත් ද පාසල් 1732කින් ශිෂ්‍යත්ව අයැදුම්පත් ද දෙපාර්තමේන්තුවට එවා නැත.
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට