කොවිඩ් ආසාදිතව මියගිය සෑම පුද්ගලයෙක්ටම වන්දි මුදලක් ගෙවීමට රජය පළකළ එකඟතාවය එරට ශ්‍රේෂ්ඨාධිකරණය අනුමත කර ඇති බව වාර්තා විය.
ඒ අනුව කොවිඩ් ආසාදිත සෑම මරණයක් වෙනුවෙන්ම ඉන්දීය රුපියල් 50,000ක වන්දියක් ගෙවීම ට ඉන්දීය රජය ගත් තීරණය ක්‍රියාත්මක කළ හැකිය.
අධිකරණය එම තීන්දුව ලබාදී තිබුණේ එරට ආපදා කළමනාකරණ නීති අනුව කොවිඩ් මරණ සඳහා වන්දි ඉල්ලමින් නීතිඥයින් කණ්ඩායමක් ගොනුකළ පෙත්සමක් සලකා බැලීමෙන් අනතුරුව ය.
මෙතෙක් ඉන්දියාවෙන් කොවිඩ් මරණ 447,000ක් පමණ වාර්තා වී තිබේ.
නමුත් විශේෂඥයින් පවසන්නේ ඊට වඩා 10 ගුණයක් පමණ කොවිඩ් ආසාදිතව මියගොස් ඇති බවය.
ඒ අනුව කොවිඩ් ආසාදිතව මියගිය පුද්ගලයාගේ ළඟම ඥාතියාට එම වන්දි මුදල හිමිවෙයි.
More Stories
චීන-බ්‍රසීල සබඳතාවන්හි ස්වර්ණමය ඇරඹුමක් සටහන් කළ චීන ජනපතිගේ බ්‍රසීල සංචාරය
වීසා රහිත ප්‍රතිපත්තිය ක්‍රියාත්මක රටවලට තවදුරටත් පහසුකම් වැඩි කිරීමට චීනයෙන් තීරණයක්
චීනයේ විදේශ වෙළඳාමේ කැපීපෙනෙන වර්ධනයක්