වයස අවුරුදු 60 ඉක්මවූ, කිසිදු විශ්‍රාම වැටුපක් හෝ සේවක අර්ථසාධක අරමුදලක් නොලබන වැඩිහිටියන් සඳහා ස්වයං රැකියා අවස්ථා ඇති කර ඇතැයි ජාතික වැඩිහිටි මහලේකම් කාර්යාලයේ අධ්‍යක්ෂ කේ.ජී.ලැන්රොල් ‘අරුණ‘ට පැවැසීය.
වැඩිහිටියන්ට ජීවත්වීම සඳහා මුදල් සොයාදීමේ අරමුණින් සෑම ප්‍රාදේශීය ලේකම් කාර්යාලයකම සිටින සමාජ සේවා නිලධාරියාගේ මැදිහත්වීමෙන් මෙම වැඩසටහන ආරම්භ කර ඇත.
ඒ අනුව රුපියල් තිස්දහසක මුදලක් ස්වයං රැකියාවක් අලුතෙන් ආරම්භ කිරීමට කැමති සහ දැනට ස්වයං රැකියා සිදුකරගෙන යන වැඩිහිටියන් සඳහා ලබාදීම සිදුකරයි. තනි හෝ කණ්ඩායම් මගින් ස්වයං රැකියා සඳහා අවශ්‍ය දැනුම හා පුහුණුව ලබාදෙන බවද හෙතෙම කීවේය.
ඒ යටතේ ආරම්භ කළ බොන්සායි කලාව පිළිබඳ පුහුණුව දැනටම ආරම්භ කර ඇතත්, කොවිඩ් වසංගතයත් සමග එය අඩාළ වී ඇත. වැඩිහිටියා ද ජාතික ආර්ථිකයට දායක කරගැනීම මෙහි අරමුණ බව අධක්ෂවරයා පැවැසීය.
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට