බස්නාහිර පළාතේ විශේෂ මෙහෙයුමක්

බස්නාහිර පළාත ආවරණය වන පරිදි අපරාධ නිවාරණ හා දූෂණ වැටලීම් සම්බන්ධව විශේෂ මෙහෙයුමක් සිදුකර තිබේ.

බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති කාර්යාලය සඳහන් කළේ, ඊයේ (10) පෙරවරු 8.00 සිට පස්වරු 04.00 දක්වා එම මෙහෙයුම සිදුකර ඇති බවය.

එහිදී සැකකරුවන් 816 දෙනෙකු අත්අඩංගුවට ගෙන තිබේ.

එලෙස අත්අඩංගුවට ගත් සැකකරුවන් අතරට විවිධ අපරාධවලට සම්බන්ධ පුද්ගලයින් 17ක්, අධිකරණය මඟ හරිමින් සිටි වරේන්තුකරුවන් 49ක් සහ මත්ද්‍රව්‍ය වැරදි සම්බන්ධයෙන් පුද්ගලයින් 665 දෙනෙකු අයත්ය.