රටවල් 10 ක සිට පැමිණෙන පූර්ණ එන්නත්කරණයට ලක්වූ සංචාරකයන්ට ලබන පළමුවනදා සිට සිය දේශ සීමා විවෘත කිරීමට තායිලන්තය තීරණය කර තිබෙනවා.
දැනට අඩාලවී ඇති සංචාරක ක්ෂේත්‍රය නගා සිටුවීමේ අරමුණ ඇතිව මෙම පියවර ගන්නා බවයි අග්‍රාමාත්‍ය ප්‍රයුත් චාන් ඕචා සඳහන් කලේ.
මේ අනුව මහා බ්‍රිතාන්‍ය – චීනය – ජර්මනිය – අමෙරිකාව ඇතුලු රටවල් 10 ක සිට පැමිණෙන සංචාරකයන්ට ලබන පළමුවනදා සිට තායිලන්තයට ඇතුලු‍විය හැකියි.
2019 වසරේදී මිලියන 40 ක් සංචාරකයන් පැමිණි තායිලන්තයට මෙම වසරේ මුල් මාස 08 දී පැමිණ තිබුණේ සංචාරකයන් 70 දහසක් පමණයි.
කොවිඩ් වසංගතය හමුවේ දේශ සීමා වසා දැමීමත් සමග 2020 වසරේදී සංචාරක ක්ෂේත්‍රයෙන් එරටට අහිමිවී තිබූ මුදල ඩොලර් බිලියන 50 කට අධිකයි.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්