නවදිල්ලි නගරයේ වායු දූෂණය අවම කිරීමට ක්‍රියාමාර්ග ගන්නා ලෙස, ඉන්දීය රජයෙන් එරට අගවිනිසුරුවරයා ඉල්ලීමක් කර තිබේ.
විදෙස් මාධ්‍ය වාර්තා කරන්නේ, නවදිල්ලි නගරයේ වායු දූෂණය ඉතා දරුණු බවට, ඉන්දීය අගවිනිසුරු එන්.වී. රාමනර් මහතා පෙන්වා දී ඇති බවය.
වෙනත් වසරවලදී මෙන්ම මෙවරත් ඉන්දියාවේ නවදිල්ලි අගනුවර වායු ගුණත්වය දැඩි ලෙස පහළ ගොස් ඇත.
දිවාලි සැමරුමෙන් පසු හා වගාබිම්වල ඉතිරි වූ පිදුරු ගිනි තැබීමෙන් පසු ඔක්තෝබර් සහ නොවැම්බර් මාසවලදී නවදිල්ලිය විෂ සහිත දුමාරයකින් මෙලෙස වැසී යයි.
වායු ගුණත්වය පහළ බැසීමට උත්සව සමයේදී සිදුකරන ගිනිකෙළි දැල්වීම් ද හේතුවන බව වාර්තා වේ.
කෙසේ වෙතත් උත්සව සමයේ ගිනිකෙළි තහනම් කිරීම සම්බන්ධයෙන් ජනතාව දැඩි විරෝධයක් දැක්වූ බව ඉන්දීය වාර්තා සඳහන් කළේය.
පෞද්ගලික විමර්ශනයකින් හෙළි වී තිබුණේ නවදිල්ලියේ පවුල්වලින් 80%ක පමණ වෙසෙන පුද්ගලයන් හිසරදය හා ශ්වසන අපහසුතාවයෙන් පෙළෙන බවය.
වායු දූෂණය මේ රෝගී තත්ත්වයන් ඇතිවීමට හේතුවී තිබේ.
වායු දූෂණය නිසා වාර්ෂිකව ඉන්දියාවේ ලක්ෂ 10කට වැඩි පිරිසක් මියයන බව නවතම අධ්‍යයනයකින් හෙළි වී ඇත.
ලොව වැඩිම වායු දූෂණය සහිත නගර ලැයිස්තුවට එරට නගර රැසක්ම ඇතුළත්ය.
එම නගරවල පාරිසරික නීති ක්‍රියාත්මක කිරීම අඩු මට්ටමක පවතින බවය විදෙස් වාර්තා වැඩිදුරටත් සඳහන් කළේය.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්