ඉන්දියාවට බ්‍රිතාන්‍යයන්ගෙන් නිදහස ලබා ගැනීම සඳහා නන් අයුරින් දායක වූ සුභාෂ් චන්ද්‍ර බෝස්ට සහ භගට් සිංට මහත්මා ගාන්ධි සහාය පළ නොකළේ යැයි කන්ගනා රනවුට් ප්‍රකාශ කරයි. කන්ගනා සිදු කළ එම ප්‍රකාශය සම්බන්ධයෙන් අදහස් පළ කළ බොහෝදෙනකු සඳහන් කරන්නේ ඈ ගාන්ධිතුමන්ගේ අහිංසාවාදී පිළිවෙත සමච්චලයට ලක් කර ඇති බවකි.
සිය ඉන්ස්ටග්‍රෑම් ගිණුමෙහි සටහන් මාලාවක් තබමින් කන්ගනා රනවුට් මහත්මා ගාන්ධි අවස්ථා කිහිපයකදී විවේචනය කර ඇති බව ඉන්දීය මාධ්‍ය වාර්තා කරයි. වරක් ගාන්ධි ඉලක්ක කරගත් විවේචනයක් රංගන ශිල්පිනිය සටහන් කර තිබුණේ “ඔබේ වීරයා බුද්ධිමත්ව තෝරාගන්න” යනුවෙනි. ඉන්දීය නිදහස වෙනුවෙන් සටන් කළ පුද්ගලයන්ව ඔවුන්ගේ (ඉංග්‍රීසින්ට පක්ෂපාතී ඉන්දීය නායකයන්) ස්වාමීන්ට පාවා දුන්නේ යැයි කියාද කන්ගනා තවත් වරෙක සිය සමාජ ගිණුමෙහි සටහනක් තබා තිබිණ. පීඩාවට පත් කරන්නන් සමග සටන් කිරීමට ධෛර්යයක් නැතැයිද බලයට ඇති කෑදරකමත් කපටිකමත් ඉන් පිළිබිඹු වන්නේ යැයිද ඈ තවදුරටත් එහි සඳහන් කර තිබුණාය. එම පණිවුඩයෙන් ඈ පහර ගසා තිබුණේද මහත්මා ගාන්ධිටය.
කන්ගනා රනවුට් ඉන්දියාවේ නිදහස සම්බන්ධයෙන් මතභේදාත්මක අදහස් පළ කිරීමක් සිදු කරමින් පසුගියදා කියා සිටියේ ඉන්දියාවට නියම නිදහස ලැබුණේ 2014 වසරේදී බවයි. ඈ එමගින් සමාජයට ඒත්තු ගන්වන්නට උත්සාහ ගෙන තිබුණේ නරේන්ද්‍ර මෝදි අග්‍රාමාත්‍යවරයා බලයට පැමිණීමෙන් පසුව ඉන්දියාවට නියම නිදහස ලැබුණු බවය.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්