ඉන්දියාව සහ නවසීලන්තය අතර පැවති දෙවැනි ටෙස්ට් තරගයෙන් ලකුණු 372ක දැවැන්ත ජයක් වාර්තා කිරීමට සත්කාරක ඉන්දීය කණ්ඩායම සමත්විය.
ජයග්‍රහණය සඳහා අවශ්‍යව තිබූ නවසීලන්ත කඩුලු 5, තරගයේ 5 වැනි දිනයේ විනාඩි 45ක් ඇතුළත ලබා ගැනීමට ඉන්දීය පන්දු යවන්නෝ සමත් වූහ.
නවසීලන්ත ක්‍රීඩකයෝ අද දිනය අරඹන විට සිය දෙවැනි ඉනිම සඳහා කඩුලු 5ක් දැවී ලකුණු 140ක් ලබා සිටියහ. ඔවුන් ගේ ඉලක්කය වූයේ ලකුණු 540කි.
නමුත් ඔවුන් සියලුදෙනා ලකුණු 167කට දැවී ගියේය.
නවසීලන්තය වෙනුවෙන් ඩැරිල් මිචල් ලකුණු 60ක් ලබාගත් අතර හෙන්රි නිකල්ස් ලකුණු 44යි.
පන්දු යැවීමෙන් රවිචන්ද්‍රන් අශ්වින් සහ ජයන්ට් යාදව් කඩුලු 4 බැගින් දවාගත්තේය.
මෙම තරගයේ පළමුව පන්දුවට පහරදුන් ඉන්දීය කණ්ඩායම සියලුදෙනා දැවී ලකුණු 325ක් රැස්කළේය. ඊට පිළිතුරු ලෙස නවසීලන්ත ක්‍රීඩකයින්ට සිය පළමු ඉනිම සඳහා රැස්කළ හැකිවූයේ ලකුණු 62ක් පමණි.
ඉන්දීය කණ්ඩායම සිය දෙවැනි ඉනිමට කඩුලු 7කට ලකුණු 276යි.
More Stories
ශ්‍රී ලංකා ක්‍රිකට් ඒ කණ්ඩායමට තීරණාත්මක දවස
පැරිස් පැරාලිම්පික් ක්‍රීඩා උළෙල ඇරඹීමට සූදානම්
විදේශයන්හි පැවති ඔලිම්පික් ක්‍රීඩා උළෙලක විශිෂ්ටතම දස්කම් දැක්වීමට චීනය මෙවර සමත් වෙයි