ඇමෙරිකා අභ්‍යවකාශ තරණයේ පුරෝගාමියකු ලෙස ඇමෙරිකානුවන්ගේ ගෞරවාදරය දිනූ ගගනගාමී ඇලන් ෂෙපර්ඩ් (1923-1998) ගේ වැඩිමහල් දියණිය ලෝරා ෂෙපර්ඩ්, බ්ලූ ඔරිජින් සමාගම සමග අභ්‍යවකාශ සංචාරයකට එක්වූවාය.
ලෝරා ෂෙපර්ඩ් 74 හැවිරිදි වියෙහි පසුවෙයි. බ්ලූ ඔරිජින් යනු ඇමෙරිකන් බිලියනපති ජෙෆ් බේසෝස්ගේ ගගන සංචාර වැඩසටහනය. අතමිට සරු ඕනෑම අයකුට බ්ලූ ඔරිජින් රොකට්ටුවක සහ ගගන කැප්සියුලයක ආධාරයෙන් පෘථිවි කක්ෂය අද්දරට ගොස් ආපසු පැමිණිය හැකිය. මෙය මිනිත්තු කීපයක අපූරු අත්දැකීමකි.
ලෝරා ෂෙපර්ඩ් සමග තවත් පස් දෙනෙක් මෙම ගගන සංචාරයට එක් වී කිලෝ මීටර් 106 ක් ඉහළට ගොස් ආපසු පැරෂූට් ආධාරයෙන් පොළොවට පැමිණියහ.
ඇලන් ෂෙපර්ඩ් ඇමෙරිකාව නියෝජකය කරමින් අභ්‍යවකාශයට ගිය දෙවැනියාය. ඔහු එම වික්‍රමය කළේ මීට අවුරුදු 60 ක පෙරය. ඒ වනවිට ලෝරා ෂෙපර්ඩ් පාසල් දැරියකි.
More Stories
Hubei පළාතේ සංවර්ධනය පිළිබඳ චීන ජනපතිගෙන් උපදෙස්
ඇමරිකාව සම්බන්ධයෙන් ප්‍රතිපත්තිය වෙනස් නොවේ– චීනය
ඩිමොක්‍රටික් පක්ෂයට සෙනෙට් සභාවේ බලය අහිමි වන ලකුණු