හොංකොං ලෝක වෙළෙඳ මධ්‍යස්ථාන සාප්පු සංකීර්ණ ගොඩනැගිල්ලේ ගින්නක් හටගත් බවත් 300 කට වැඩි පිරිසක් ගින්නට කොටු වී ගොඩනැගිල්ලේ වහල මත සිටින බවත් ‘ද සවුත් චයිනා මෝර්නිං‘ පුවත්පත වාර්තා කරයි.
ගින්නට හසුවීමෙන් තුවාල ලැබූ ගණන 4 ක් බවත් එම 4 දෙනා කඩිනමින් රෝහල්ගත කළ බවත් පොලිසිය පවසයි.
ගොඩනැගිල්ල වහලේ කොටුවුණු පිරිස් මුදා ගැනීමට දැවැන්ත මෙහෙයුමක් ආරම්භ කළ බව ගිනි නිවන භටයෝ පවසති.
මේ වනවිට ගිනි නිවන හමුදා කණ්ඩායම් කීපයක් ගින්න නිවා දැමීමට කටයුතු කරන බව ද වාර්තා වේ. ගින්න හටගත්තේ දහවල් 12.37 කට පමණය.
වහලේ සිටින පිරිසට අමතරව, ගොඩනැගිල්ල තුළ පස් වැනි මහලේ ද 100 කට ආසන්න පිරිසක් ගින්නට කොටු වී සිටින බවත්, ඔවුන් බේරා ගැනීමට ද ගිනි නිවන භටයන්ට කාලත් සමග සටන් කිරීමට සිදුවී ඇති බවත් වාර්තා වේ.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්