විශේෂයෙන්, ‘ඔමික්‍රෝන්’ විකෘතිය ඉලක්ක කරගෙන, එය අඩපණ කිරීමට, ඇමෙරිකාවේ ෆයිසර් සමාගම සහ ජර්මනියේ බයෝඇන්ටෙක් සමාගම නිපදවන යවත්කාලීන කරන ලද ‘ෆයිසර්’ එන්නත ඇණවුම් කිරීමට බටහිර රටවල් මේ වනවිටත් පියවර ගෙන ඇත.
පළමුවෙන් එම යවත්කාලීන කරන ලද ‘ෆයිසර්’ එන්නත ඇණවුම් කර ඇත්තේ යුරෝපා සංගමයයි. ඒ, යුරෝපා සංගමයේ රටවල් සදහාය. මේ වනවිට ‘ඔමික්‍රෝන්’ විකෘතිය යුරෝපා රටවල බහුලව ව්‍යාප්ත වෙයි.
‘ඔමික්‍රෝන්’ වේගයෙන් ව්‍යාප්ත වුණත්, සංකූලතා අවම වුවත්, එය කොවිඩ් 19 ප්‍රතිශක්තිකරණ එන්නත්වල කාර්යක්ෂමතාව අඩු කරන බව සොයා ගෙන තිබේ.
රටවල් බොහොමයක් ‘ෆයිසර්’ එන්නත යොදා ගනිමින් බූස්ටර් එන්නත් ලබා දීම සිදු කරන්නේ ද මේ නිසාය.
‘ඔමික්‍රෝන්’ කරළියට පැමිණි අවස්ථාවේදී ම ෆයිසර් සමාගම කියා සිටියේ දින 100 ක් ඇතුළත ඔමික්‍රෝන් පමණක් නොව ඉදිරියේ දී බිහිවනු ඇතැයි විශ්වාස කෙරෙන කොවිඩ් 19 විකෘති ඉලක්ක කර ගනිමින් යවත්කාලීන කළ විශේෂ එන්නතක් නිපදවන බවය.
ඒ අනුව පසුගිය නොවැම්බර් 25 වැනිදා පර්යේෂණ මට්ටමේ එන්නතක් නිපදවීමට ‘ෆයිසර්’ සමාගම කටයුතු කළේය.
එම එන්නත සාර්ථක ප්‍රතිඵල පෙන්නුම් කර තිබේ. එන්නත මහා පරිමාණයෙන් නිපදවීම අද හෙට සිදුවනු ඇතැයි පැවැසෙයි.
යුරෝපා සංගමය යුරෝපා රටවල් සදහා ඇණවුම් කර ඇත්තේ මෙම යවත්කාලීන කළ ‘ෆයිසර්’ එන්නතය.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්