පෙෂාවෝර් මහාධිකරණය, පාකිස්තානයේ හිටපු ජනාධිපති නවාස් ෂරීෆ් ගේ උපදේශකවරයකු වන අමීර් මුඛාම් අත්අඩංගුවටට ගැනීම ප්‍රමාද කර ඇත.
නීතිවිරෝධී වත්කම් ඉපැයූ බවටත් තමන් සතු වත්කම් ලද ආකාරය හෙළි කිරීමට අපොහොසත් වීමත් යන කරුණු මුල් කරගනිමින් අමීර් මුඛාම් ට චෝදනා එල්ල වී තිබේ.
හෙතෙම මීට කලියෙන් පොලිස් අත්අඩංගුවට පත්වූ අතර ඉන් අනතුරුව ඇප ලැබිණි. එ් අනුව ඔහු අත්අඩංගුවට ගැනීම ප්‍රමාද කරමින් ඇප කාලය ජනවාරි 20 වැනිදා දක්වා දීර්ඝ කර තිබේ.
පාකිස්තානයේ කයිබර්-පන්ක්තුන්ක්වා පළාතේ හිටපු අග්‍රාමාත්‍ය නවාස් ෂරීෆ්ගේ ෆෙඩරල් කටයුතු උපදේශක වශයෙන් කටයුතු කළේ අමීර් මුඛාම් ය.
විනිසුරුවරුන් වන ලාල් ජාන් කටාක් සහ මුසාර්ත් හිලාලි යන දෙදෙනා මෙලෙස ඇප කාලය දීර්ඝ කරන ලදි.
දෙපාර්ශවයේ ම කරුණු විමසීමෙන් අනතුරුව තීන්දුව ලබාදිය යුතු බවත් ඒ නිසා මෙය ජනවාරි 20 වැනිදා දක්වා කල් තබන බවත් විනිසුරුවරු සඳහන් කළ හ.
අමීර් මුඛාම් යනු පාකිස්තානයේ හිටපු අග්‍රාමාත්‍ය ‘පාකිස්තාන් මුස්ලිම් ලීග්-නවාස්’ පක්ෂයේ ප්‍රධාන සාමාජිකයෙකි.
හෙතෙම ජෙනරාල් පර්වේස් මුෂාරෆ්ගේ සමීපතමයකු ලෙස ද කටයුතු කළේ ය.
වත්මන් ආණ්ඩුවට තමන් අත්අඩංගුවට ගැනීමට වුවමනා වී තිබෙන බවත් මේ නිසා ඔවුන් දේශපාලන පලිගැනීම් සිදු කරමින් සිටින බවත් අමීර් මුඛාම් පැවැසීය. පක්ෂයටත් නායකත්වයටත් අවංකව කටයුතු කිරීම නිසා තමන් දේශපාලනමය වින්දිතයකු බවට පත්ව ඇතැයි ද ඔහු කීය.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්