2022 නව වසරේ උතුරු කොරියාවේ ජාතික ප්‍රමුඛත්වය හිමිව ඇත්තේ ආර්ථිකය ගොඩනැගීමට බව එරට නායක කිම් ජොන් උන් සඳහන් කරනවා.
තම පදවි ප්‍රාප්තියට දස වසරක් සපිරීම නිමිත්තෙන් පැවැත්වූ උත්සවයක් අමතමින් ඔහු මේ බව සඳහන් කළා. උතුරු කොරියා වැසියන් මුහුණදී සිටින ආහාර හිගයට කඩිනම් විසඳුම් ලබාදීම තමා කටයුතු කරන බවද ඔහු මෙහිදී වැඩිදුරටත් ප්‍රකාශ කළා. එමෙන්ම සංවර්ධන කටයුතු සඳහා මූලිකත්වය ලබාදීම මෙන්ම ජනතාවගේ ජීවන තත්ත්වය නගාසිටුවීම තම මුඛ්‍ය පරමාර්ථයන් බවයි උතුරු කොරියා නායකයා මෙහිදී පෙන්වා දුන්නේ.
කොරෝනා වසංගතයත් සමඟ දැඩි නිරෝධායන නීති පැනවීම හේතුවෙන් උතුරු කොරියාව ආහාර හිඟයකට මුහුණදී සිටිනවා. එමෙන්ම ඇදුම් හා නිවාස ගැටලුව උග්‍රඅතට හැරී ඇති බවද වාර්තා වනවා. න්‍යෂ්ටික අවි නිෂ්පාදනයට ඉතා ඉහළ වටිනාකමක් දී ඇති උතුරු කොරියාව මෙම වසරේ දී ආර්ථිකය ගොඩනැගීමට ප්‍රමුඛතාව ලබාදීම විශ්මයජනක කරුණක් බවයි විශ්ලේෂකයින් පෙන්වා දෙන්නේ.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්