කොවිඩ් වයිරසය ආසාදනය වීම හමුවේ ඉකුත් 03 වැනිදා ශ්‍රී ලංකා ජාතික ක්‍රිකට් කණ්ඩායම සමගින් ඔස්ට්‍රේලියාවේ පැවැත්වෙන විස්සයි විස්ස තරගාවලියට පිටත්ව යාමට නොහැකි වූ ප්‍රධාන පුහුණුකරු රුමේෂ් රත්නායක සහ වේග පන්දු යවන ක්‍රීඩක නුවන් තුෂාර මේ වන විට ශ්‍රී ලංකා කණ්ඩායම සමග එක්ව තිබේ.
වයිසරය ආසාදනය වීම හේතුවෙන් නිරෝධායනයේ නිරතව සිටි මොවුන් ඉකුත් 05 වැනිදා ඔස්ට්‍රේලියාව බලා පිටත් විය. මේ අතර කොවිඩ් වයිරසය ආසාදනය වී සිටි චාමික කරුණාරත්නගේ කරන ලද පී.සී.ආර්. පරීක්ෂණයන්ගෙන් ඔහු තවදුරටත් කොවිඩ් වයිරස ආසාදිතයෙක් නොවන බවට තහවුරු වී තිබේ.
ඒ අනුව අද අලුයම චාමික ඔස්ට්‍රේලියාව බලා පිටත්ව යාමට නියමිත බව වාර්තා වන අතර ඔහුට 11 වැනිදා පැවැත්වෙන දෙරට අතර පළමු තරගයට ක්‍රීඩා කිරීමේ අවස්ථාව පවතින බවද සැලවේ.
More Stories
ශ්‍රී ලංකා ක්‍රිකට් ඒ කණ්ඩායමට තීරණාත්මක දවස
පැරිස් පැරාලිම්පික් ක්‍රීඩා උළෙල ඇරඹීමට සූදානම්
විදේශයන්හි පැවති ඔලිම්පික් ක්‍රීඩා උළෙලක විශිෂ්ටතම දස්කම් දැක්වීමට චීනය මෙවර සමත් වෙයි