පුෂ්පිකා ද සිල්වාගේ නඩුව කල් යයි

ශ්‍රී ලංකා විවාහක රූ  රැජින පුෂ්පිකා ද සිල්වා මහත්මියහේ හිස රැදි  කිරුළ ගලවා තුවාල කළැයි කියන සිද්ධිය සම්බන්ධයෙන් වල සාක්ෂි විභාගය ලබන අගෝස්තු මස 22 දක්වා කල් තැබීමට කොළඹ ප්‍රධාන මහේස්ත්‍රාත් නන්දන අමරසිංහ මහතා අද 30 නියෝග කළේය .

මෙම සිද්ධියේ පැමිණිලිකාර පුෂ්පිකා ද සිල්වා මහත්මිය අසනීප තත්ත්වයක් නිසා අධිකරණය හමුවේ පෙනී නොසිටීම හේතුවෙන් සාක්ෂි විභාගය කල් තබන ලෙසට ඇගේ නීතිඥ අමිල සංජීව මහතා අධිකරණයෙන් කළ ඉල්ලීමක් සැලකිල්ලට ගත් මහේස්ත්‍රාත්වරයා මෙම නියෝගය නිකුත් කළේය.

ශ්‍රී ලංකා විවාහක රූ රැජින තරගයේ දී සිදු වූ ආන්දෝලනාත්මක සිද්ධිය සම්බන්ධයෙන් 2019 ලෝක විවාහක රූ රැජින කැරොලයින් ජූලි  හා නිරුපන ශිල්පිනි චුලා පද්මේන්ද්‍ර  යන මහත්මීන් තමන් නිවැරැදිකරුවන් බව අධිකරණයේ දී ඉකුත් අප්‍රේල් මස 04 වැනිද ප්‍රකාශ කලේ ඔවුන්ට එරෙහි චෝදනා කියවා දීමෙන් අනතුරුවය .

දෙපාර්ශවය මීට පෙර අධිකරණය මගින් සමත මණ්ඩලයට යොමු කල ද සමතයක් නොවුණු බැවින් නඩුව විභාගයට ගැනීමට මහේස්ත්‍රාත්වරයා නියම කළේය. 

2020 ශ්‍රී ලංකා විවාහක රූ  රැජින වන පුෂ්පිකා ද සිල්වා මහත්මිය 2021 අප්‍රේල්  05 මස වන දින කරණු ලැබු පැමිණිල්ලක් අනුව කුරුඳුවත්ත පොලිසිය විසින් මෙම නඩුව අධිකරණය හමුවේ ගොනු කර තිබිණි. 

ඒ අනුව සැකකාරියන් දෙදෙනා වන ලෝක විවාහක රූ රජින කැරලයින් ජුලි සහ නිරූපණ ශිල්පිනියක් වන චූලා පත්මේන්ද්‍රන් යන අය 2021 අප්‍රේල් මස 08 වන දින කුරුදුවත්ත පොලිසිය වෙත ප්‍රකාශ ලබා දී තිබිණි.