ගම්පහට පැය 16 ක ජල කප්පාදුවක්

ගම්පහ ප‍්‍රදේශ කිහිපයකට පැය 16 ක කාලයකට ජල සැපයුම අත්හිටුවා තිබෙනවා.

ජාතික ජල සම්පාදන හා ජලාපවහන මණ්ඩලය සඳහන් කලේ ඒ අනුව අද පස්වරු 2 සිට හෙට උදෑසන 6 දක්වා එය කි‍්‍රයාත්මක බවයි.

ගම්පහ මහ නගර සභා සීමාව, කොළඹ – නුවර මාර්ගයේ මිරිස්වත්ත හන්දියේ සිට අළුත්ගම බෝගමුව පල්ලිය පාර දක්වා ප‍්‍රදේශවලට ජල සැපයුම අත්හිටුවනු ඇති.

කොළඹ – නුවර මාර්ගයේ යක්කල පාලමේ ජල නල පද්ධතියේ වැඩි දියුණු කිරීමක් ජල සැපයුම අත්හිටුවීමට හේතුවී ඇති බවයි ජාතික ජල සම්පාදන හා ජලාපවහන මණ්ඩලය වැඩිදුරටත් සඳහන් කලේ.