විදේශ සෘජු ආයෝජන අනුමත කිරීමේ ක්‍රියාවලිය විධිමත් කිරීමට ආයෝජන ප්‍රවර්ධන අමාත්‍ය ධම්මික පෙරේරා මහතා පියවර ගෙන ඇත.
ඒ අනුව, ආයෝජන අනුමත කිරීමේ ක්‍රියාවලියේ අධික ලිපි ලේඛන කටයුතු සහ අයදුම්පත් පිරවීමේ ක්‍රියාවලීන් ඉවත්කර දැමීමට ඒ මහතා උපදෙස් ලබාදී ඇත.
විදේශ සෘජු ආයෝජන වැඩි කර ගැනීමේ අරමුණින් එම පියවර ගෙන ඇත.
ආයෝජන මණ්ඩලයෙන් සහ අනෙකුත් අදාළ රාජ්‍ය ආයතනවලින් විදේශ ආයෝජන ව්‍යාපෘති සඳහා අනුමැතිය ලබා ගැනීමට ඇති බාධා සහ නිලධාරිවාදී ක්‍රියාකලාපයන් ඉවත් කිරීමටද කඩිනම් පියවර ගෙන ඇති බව වාර්තා වෙයි.
විදේශ සෘජු ආයෝජන සඳහා විදේශ ආයෝජකයන් පිරවීමට තිබූ පිටු 14ක පමණ දිග අයදුම්පත තනි පිටුවක අයදුම්පතක් දක්වා කෙටි කිරීමටත්, අදාළ අයදුම්පත් අනුමත කිරීම පැය 24 ක කාලයක් තුළ සිදුකිරීමටත් මෙම නව වැඩපිළිවෙල ඔස්සේ පහසුකම් සලසා ඇත.
එමෙන්ම, මෙම ආයෝජන අනුමත කිරීමේ ක්‍රියාවලියට අදාළ නීති රෙගුලාසි වඩාත් සරල කර එම ක්‍රියාවලිය තුළ පැවති නිලධාරීවාදී ස්වභාවය ඉවත්කර දැමීමටත් ඒ මහතා කටයුතු කර ඇත.
මින් මතුවට, ඉහත කී විදේශ සෘජු ආයෝජන අනුමත කිරීමේ ක්‍රියාවලිය සිදු කෙරෙන්නේ මාර්ගගතව වන අතර, මෙමඟින් ශ්‍රී ලංකාවේ ආයෝජන ප්‍රවර්ධන ක්‍රියාවලියේ නව මුහුණුවරක් බිහිවනු ඇතැයි අපේක්ෂා කෙරේ.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ