අනුරාධපුරයේ දී ඝාතනය වූ SF ලොක්කා නැමැති නැමැති අපරාධකරුගේ මළ සිරුර බාර ගැනීම ඔහුගේ මව ප්‍රතික්ෂේප කර තිබෙනවා.
මේ බව උතුරු මැද පළාත් ජ්‍යෙෂ්ඨ නියෝජ්‍ය පොලිස්පති නන්දන මුණසිංහ මහතා පැවසුවා.
ඒ අනුව ඔහුගේ සිරුර බාරගෙන ඇත්තේ සහෝදරයෙකු විසින් බවයි උතුරුමැද පළාත් භාර ජ්‍යෙෂ්ඨ නියෝජ්‍ය පොලිස්පති නන්දන මුණසිංහ මහතා සඳහන් කළේ.
SF ලොක්කාගේ ඝාතනය මත්කුඩු ආරවුලක් මත සිදුව ඇති බවට සැකයක් පවතින බවත්, ඉලක්කයට වෙඩි තැබිය හැකි දක්ෂ දක්ෂ වෙඩික්කරුවකු ප්‍රහාරය එල්ල කර ඇති බවත් ප්‍රහාරය එල්ල වී ඇති ආකාරය නිරීක්ෂණය කිරීමේ දී පෙනී යන බවයි නන්දන මුණසිංහ මහතා පැවසුවේ.
කායවර්ධන මධ්‍යස්ථානයකට ගොස් නැවත ගමන් කිරීමේදී මෙම වෙඩි ප්‍රහාරය ඔහුට එල්ල වී තිබෙනවා. ඒ අවස්ථාවේදී ඔහුගේ පෙම්වතිය ද මෝටර් රථයේ ගමන් කර ඇති බවයි පොලිසිය පැවසුවේ.
එමෙන්ම ඇය මත්කුඩු ජාවාරම සම්බන්ධයෙන් බන්ධනාගාරගතව සිටි පුද්ගලයෙකුගේ බිරිඳක්. මෙම වෙඩි ප්‍රහාරයෙන් ඇයට කිසිඳු හානියක් සිදුව නැති බව ද නන්දන මුණසිංහ මහතා වැඩිදුරටත් සඳහන් කළා.
More Stories
විශ්වවිද්‍යාල අනධ්‍යයන සේවක වර්ජනය අවසන්
ජපුර විශ්වවිද්‍යාලයෙන් රුසියානු භාෂා ඩිප්ලෝමා පාඨමාලාවක්
උසස් පෙළ අයදුම්පත් යොමු කිරීමේ කාලය දීර්ඝ කෙරේ