ශ්‍රී ලංකා- චීන ආර්ථික , අධ්‍යාපන සහ සංස්කෘතික සංගමය ස්ථාපනය කෙරේ. බෙයිජිං අගනුවර තානාපති කාර්යාලයේ දී අද (11) එහි සමාරම්භක හමුව පැවැත්විණ.
ජනාධිපති කාර්යාලයේ උපදෙස් හා මගපෙන්වීම මත මෙම සංගමය ක්‍රියාවට නැංවෙයි. චීනයේ වෙසෙන ශ්‍රී ලාංකික ව්‍යවසායකයන් හා ආයෝජකයන් මෙන්ම වෘත්තිකයන්ගේ නිපුණතා සඳහා මෙය පුළුල් වේදිකාවක් බව චීනයේ ශ්‍රී ලංකා තානාපති ආචාර්ය පාලිත කොහොන මහතා පැවසීය. දෙරට අතර ආර්ථික, අධ්‍යාපන හා සංස්කෘතික අංශවල සබඳතා පුළුල් කිරීමට මෙම සංගමයෙන් පුළුල් දායකත්වයක් සැපයීමට අපේක්ෂිතයි. සංගමයේ නිලධාරි මණ්ඩලය මෙහිදී පත්කෙරුණු අතර, සභාපතිවරයා ලෙස ප්‍රවීණ ව්‍යවසායක චිරංජය උඩුමුල්ලගේ මහතා තෝරාගනු ලැබීය.
චීනයේ වෙසෙන ශ්‍රී ලාංකික ව්‍යවසායකයන්, වෘත්තිකයන් හා විශ්වවිද්‍යාල සිසුන් ඇතුළු පිරිසක් මේ අවස්ථාවට සහභාගි වූහ.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්