මැතිවරණ පැවැත්වීම සඳහා මුදල් අමත්‍යාංශයට මුදල් නොමැති බව, පාකිස්තාන මුදල් අමාත්‍ය ඉෂ්ක් දාර් පවසා තිබේ.
පාකිස්තානය මේ වනවිට දරුණු ආර්ථික අර්බුදයකට මුහුණ දෙයි. වත්මන් පාකිස්තාන රජය චෝදනා කරන්නේ හිටපු අග්‍රාමාත්‍ය ඉම්රාන් ඛාන්ගේ රජය නිසි ලෙස ආර්ථිකය කළමනාකරණය නොකළ බැවින් රට මෙම අර්බුදයට මුහුණ පා සිටින බවය.
හිටපු අග්‍රාමාත්‍ය ඉම්රාන් ඛාන් දිගින් දිගටම බල කර සිටින්නේ, මැතිවරණ කඩිනමින් පැවැත්විය යුතු බවය.
පෙරේදා (24) පැවැති ජාත්‍යන්තර මාධ්‍ය හමුවක් අතරතුරේ ද පාකිස්තාන ආරක්ෂක අමාත්‍ය කවාජා අසීෆ් සහ ජනමාධ්‍ය අමාත්‍ය මීරියම් අවුරන්සෙබ් ද මැතිවරණ පැවැත්වීමට මුදල් අමත්‍යාංශයට මුදල් නොමැති බව පෙන්වා දුන්හ.
එම මාධ්‍ය හමුවේදී ද රට ආර්ථික අර්බුදයකට ඇද වැටුණේ ඉම්රාන් ඛාන්ගේ රජය නිසි ලෙස ආර්ථිකය කළමණාකරනය නොකළ නිසා යැයි ආරක්ෂක අමාත්‍ය කවාජා අසීෆ් දිගින් දිගටම චෝදනා නගන්න විය. පාකිස්තාන විපක්ෂය එක් වී, විශ්වාසභංගයකින්, ඉම්රාන් ධුරයෙන් ඉවත් කළේ පසුගිය වසරේය.
තමන් ඝාතන සැලැස්මක් ක්‍රියාත්මක යැයි හිටපු අග්‍රාමාත්‍ය ඉම්රාන් ඛාන් දිගින් දිගටම චෝදනා කරන බවත්, එම චෝදනා අසත්‍ය බවත්, පාකිස්තාන ආරක්ෂක අමාත්‍ය කවාජා අසීෆ් පැහැදිලි කර තිබේ.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්