දහම් පාසල් අධ්‍යයන කටයුතු අද සිට යළි ඇරඹෙයි

නව්‍ය කොරෝනා වයිරසය හේතුවෙන් වසාදැමූ දහම් පාසල් අද (16) සිට යළි ආරම්භ කරන බව බෞද්ධ කටයුතු දෙපාර්තමේන්තුව පවසයි.

ලබාදුන් සෞඛ්‍ය මාර්ගෝපදේශ යටතේ දහම් පාසල් ආරම්භ කරන බවයි බෞද්ධ කටයුතු කොමසාරිස් සුනන්ද දේශපි‍්‍රය මහතා ප‍්‍රකාශ කළේ.

ඒ අනුව 6 සිට 13 ශ්‍රේණි දක්වා අද (16) දිනයේ සිට ද 1 සිට 5 ශ්‍රේණි දක්වා අගෝස්තු 23 වැනිදා ද වශයෙන් දහම් පාසල් නැවත ඇරඹීමට තීරණය කර ඇත.