ආපදාවට ලක් වූ ප්‍රදේශ යළි සංවර්ධනය සහ රටේ ආපදා සහන සේවය වැඩි දියුණු කිරීමට චීන මධ්‍යම රජය සිව්වන කාර්තුව වෙනුවෙන් අතිරේක රාජ්‍ය බැඳුම්කර යටතේ යුවාන් ට්‍රිලියන 1ක් නිකුත් කර ඇත. එය ක්‍රියාත්මක කිරීමේ වගකීම පළාත් පාලන ආයතන වෙත පවරා ඇත. මේ වසරේ එම වටිනාකමින් යුවාන් බිලියන 500ක් භාවිතා කෙරෙන අතර ඉතිරි යුවාන් බිලියන 500 ලබන වසර සඳහා වෙන් කෙරෙනු ඇත. එමෙන්ම 14 වන ජාතික මහජන කොංග්‍රසයේ ස්ථාවර කමිටුවේ හයවන සැසිවාරයේදී අතිරේක රජයේ බැඳුම්කර නිකුත් කිරීමට සහ 2023 මධ්‍යම අයවැය සැලැස්ම සැකසීමට රාජ්‍ය මණ්ඩලයට අනුමැතිය ද ලබා දී ඇත.
ආපදාවට ලක් වූ ප්‍රදේශ යළි සංවර්ධනය, ගංවතුර පාලනය කිරීමේ ප්‍රධාන ව්‍යාපෘති, ස්වාභාවික විපත්වලට මුහුණ දීමේ හැකියාව වැඩි දියුණු කිරීම, නාගරික ජලාපවහනය සහ ජලයෙන් යටවීම වැළැක්වීම සහ පාලනය කිරීම ඇතුළු ප්‍රධාන ක්ෂේත්‍ර අටක් සඳහා මෙම අරමුදල් යෙදවීමට නියමිතය.එමෙන්ම මෙම බැඳුම්කර නිකුතුව 2023 අයවැය හිඟය සියයට 3 සිට සියයට 3.8 ක අනුපාතයක් දක්වා පුළුල් කරනු ඇත.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්