බරපතල සිවිල් නොසන්සුන්තාවයන් හේතුවෙන් ඉක්වදෝරය දින 60ක කාලයක් සඳහා හදිසි නීතිය ප්‍රකාශයට පත් කරන බව ඉක්වදෝර ජනාධිපති Daniel Noboa මහතා ඊයේ(08) නිවේදනය කළේ ය. ත්‍රිවිධ හමුදාවට මෙහෙයුම් සිදු කිරීමේ බලය ලබා දීම සහතික කරමින් එම හදිසි නියෝගයට අත්සන් කළ බව ජනාධිපතිවරයා සමාජ මාධ්‍ය ඔස්සේ පණිඩිඩයක් නිකුත් කරමින් කියාසිටියේය.
මෙම හදිසි තත්ත්වය දින 60 ක් පවතිනු ඇති අතර රට පුරා ඇඳිරි නීතිය රාත්‍රී 11 සිට පසුදින අලුයම 5 දක්වා ක්‍රියාත්මක කෙරේ. ඉක්වදෝර මාධ්‍ය වාර්තාවලට අනුව, මත්ද්‍රව්‍ය ජාවාරම්කරුවෙකු වන Jose Adolfo Macias පසුගිය 07 වැනිදා එරට නිරිතදිග පිහිටි ගුවායාකිල් නගරයේ ලිටෝරල් බන්ධනාගාරයෙන් පැන ගොස් ඇත. මේ සමගම ඉක්වදෝරයේ බන්ධනාගාර හයක ඊයේ(08) කලහකාරී සිදුවීම් වාර්තා වී ඇති අතර බන්ධනාගාර නිලධාරීන් කිහිප දෙනෙකු රැඳවියන් විසින් රඳවා ගෙන සිටින බව ද වාර්තා වේ.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්