දකුණු චීන මුහුදේ ප්‍රශ්නය පිළිබඳ චීන-පිලිපීන ද්විපාර්ශ්වික සාකච්ඡා යාන්ත්‍රණයේ 8 වැනි සමුළුව මෑතකදී ශංහයි නගරයේ දී පැවැත්විණ. ඒ පිළිබඳ දෙරටේ නායකයන්ගේ එකඟතාවන් යහපත් ලෙස ක්‍රියාවට නැංවිය යුතු බවට දෙපාර්ශ්වය එකඟ වන බව චීන විදේශ අමාත්‍යංශයේ ප්‍රකාශිකා Mao Ning මහත්මිය අද(19) පැවසුවාය. මිත්‍රශීලි සංවාද ඔස්සේ මෙම ප්‍රශ්නය සම්බන්ධ මතභේද නිසි ලෙස පාලනය කරන බව දෙපාර්ශ්වය ප්‍රකාශ කළහ.
ප්‍රායෝගික සමුද්‍රීය සහයෝගිතා තවදුරටත් ප්‍රවර්ධනය කරමින් ඒකාබද්ධව සමුද්‍රීය සාමය හා ස්ථාවරත්වය රැක ගත යුතු බව දෙපාර්ශ්වයේ අපේක්ෂාවයි. මෙම ප්‍රශ්නය සම්බන්ධ සංවාද ක්‍රමය තවදුරටත් ප්‍රශස්ත කිරීම පිළිබඳව එකඟතාවට එළඹෙමින් සමුද්‍රීය ආරක්ෂක, සමුද්‍රීය විද්‍යා හා තාක්ෂණ ඇතුළු ක්ෂේත්‍රවල සහයෝගිතා ප්‍රවර්ධනය කිරීමට දෙපාර්ශ්වය එකඟ වන බව Mao Ning මහත්මිය කියාසිටියාය.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්