ඉදිරි අයවැය සම්මත වන තුරු අවශ්‍ය වියදම් දැරීමට රජය විසින් ඉදිරිපත් කරනු ලබන අතුරු සම්මත ගිණුම ස්ථාවර නියෝග 27 අනුව න්‍යාය පුස්තකය මගින් මන්ත්‍රීවරුන්ට දැනුම් දීමට පක්ෂ නායකයෝ තීරණය කළ බව පාර්ලිමේන්තු සන්නිවේදන දෙපාර්තමේන්තුව පවසයි.
මේ අතර කථානායක මහින්ද යාපා අබේවර්ධන මහතා දැනුම්දී ඇත්තේ, අගෝස්තු 27 වන දා අතුරු සම්මත ගිණුම පාර්ලිමේන්තුවට ඉදිරිපත් කිරීමට රජය සැලසුම් කර ඇති බවය.
ලබන සැප්තැම්බර් මස 01 සිට දෙසැම්බර් 31 වෙනිදා දක්වා කාලය ආවරණය වන පරිදි මෙම අතුරු සම්මත ගිණුම ඉදිරිපත් කෙරෙණු ඇත.
ජනාධිපති ගෝඨාභය රාජපක්ෂ විසින් අද පාර්ලිමේන්තුවට ඉදිරිපත් කළ රජයේ ප්‍රතිපත්ති ප්‍රකාශය මන්ත්‍රී යෝජනාවක් ලෙස හෙට (21) දිනයේ විවාදයට ගැනීමට නියමිතව තිබේ.
පාර්ලිමේන්තුව හෙට (21) දින, ලබන 27 දින සහ 28 යන දිනවල පැවැත්වීමට අද (20) පැවති පක්ෂ නායක රැස්වීමේදී තීරණය කර ඇත.
More Stories
චීන තානාපතිවරයා හා ශ්‍රී ලංකා ජනාධිපතිවරයා අතර හමුවක්
විශ්වවිද්‍යාල අනධ්‍යයන සේවක වර්ජනය අවසන්
ජපුර විශ්වවිද්‍යාලයෙන් රුසියානු භාෂා ඩිප්ලෝමා පාඨමාලාවක්