දකුණු චීන මුහුදේ ප්‍රශ්නයට කලාපයෙන් පිටත රටවල් මැදිහත් වීම පවතින තත්ත්වය තවදුරටත් සංකීර්ණ කරන බව චීනය පවසයි.
චීන විදේශ අමාත්‍යාංශ ප්‍රකාශක වං වෙන්බින් මහතා අද (11) පැවති නිත්‍ය මාධ්‍ය හමුවේ දී මේ බව ප්‍රකාශ කළේය. දකුණු චීන මුහුදු ප්‍රදේශයේ තෙල් හා ගෑස් සම්පත් සංවර්ධනය පිළිබඳව මාධ්‍යවේදියෙකු නැඟූ ප්‍රශ්නයකට පිළිතුරු දෙමින් හෙතෙම මෙම අදහස් පළ කළේය.
දකුණු චීන මුහුදේ ප්‍රශ්නය චීනය හා ඇතැම් ආසියාන් රටවල් අතර පවතින ප්‍රශ්නයකි. අදාළ ප්‍රශ්නය හා සෘජුවම සම්බන්ධ රටවල් සමග සාකච්ඡා මගින් නිසි ආකාරයෙන් එය විසඳා ගැනීමට චීනය කටයුතු කරන බව හෙතෙම පැවසීය.
මතභේදයන්ට සම්බන්ධ රටවල් දකුණු චීන මුහුදු ප්‍රදේශයේ සම්පත් ගවේෂණය කිරීමේදී චීනයේ ස්වාධිපත්‍යය හා සමුද්‍රීය අයිතිවාසිකම්වලට හානි සිදු නොකළ යුතුය. එමෙන්ම එම රටවල් කලාපයෙන් පිටත පාර්ශ්වයන් මෙම කලාපීය ප්‍රශ්නයට සම්බන්ධ කර නොගත යුතු බව ද වං වෙන්බින් මහතා අවධාරණය කර ඇත.
More Stories
නව යුගයේ පොදු ඉරණමක් සහිත සර්වකාලීන චීන-කාම්බෝජ ප්‍රජාවක් බිහිකිරීමට චීන ජනපති සහ කාම්බෝජ අගමැති අතර එකඟතාවක්
චීන – මැලේසියා සම්බන්ධතා තවදුරටත් තහවුරු කෙරේ
චීන ජනපති හා කාම්බෝජ මහජන පක්ෂයේ සභාපති අතර හමුවක්