8වැනි චීන-දකුණු ආසියා ප්‍රදර්ශනය ඇරඹේ.
දින හයක් පුරා පැවැත්වෙන එම ප්‍රදර්ශනය අද(23) චීනයේ Yunnan පළාතේ Kunming නගරයේ දී ආරම්භ විය.
රටවල්, කලාප හා ජාත්‍යන්තර සංවිධාන 82ක් ඊට එක්ව සිටී. ප්‍රද්ශනයට එක්වන ව්‍යවසායන් සංඛ්‍යාව 2000කට අධිකය. ඉන් අඩකට ආසන්න ප්‍රමාණයක් දකුණු ආසියාවේ හා අග්නිදිග ආසියාවේ සියලුම රටවල් ආවරණය වන පරිදි පැමිණි විදේශීය සමාගම් වේ.
හරිත බලශක්ති සම්පත්, නවීකරණ කෘෂිකර්මාන්තය, වෛද්‍ය සේවා හා සෞඛ්‍ය ආරක්ෂාව, සංස්කෘතිය හා සංචාරය යනාදී කර්මාන්ත සම්බන්ධ ප්‍රදර්ශන එහිදී දැකගත හැකිය.
ඉදිකිරීම් තාක්ෂණ, නිෂ්පාදන , හරිත බලශක්ති , නවීන කෘෂිකාර්මික නිෂ්පාදන යනාදී ප්‍රදර්ශන ශාලා 15කින් එය සමන්විතය. ඒ සමගම, කෝපි කර්මාන්ත ශාලාවක් ද ප්‍රථම වරට පිහිටුවා ඇත. ඒ සඳහා එක් ව සිටින ව්‍යවසායන් සංඛ්‍යාව 160 ඉක්මවා ගොස් තිබේ.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්