චීන ආර්ථිකය වඩාත් නම්‍යශීලී ලෙස වර්ධනය වනු ඇතැයි ජාත්‍යන්තර මූල්‍ය අරමුදලේ චීන ශාඛා ප්‍රධානි Sonali Jain-Chandra මහත්මිය පවසයි. පවතින අභියෝග හමුවේ පවා චීනය ප්‍රතිසංස්කරණ ක්‍රියාවලිය අඛණ්ඩව ඉදිරියට රැගෙන යන බැවින් වඩාත් නම්‍යශීලී හා වඩාත් ඉහළ ගුණාත්මකබවින් යුත් ආර්ථික වර්ධනයක් අත්කර ගැනීමට චීනයට හැකියාව පවතින බව ඇය පසුගිය දා සම්මුඛ සාකච්ඡාවකට එක්වෙමින් කියාසිටියාය. එම නම්‍යතාව හේතුවෙන් මේ වසරේ චීන රජය සැලසුම් කර ඇති අයුරින් ආර්ථික වර්ධන ඉලක්ක සපුරාලීමට හැකි වෙතැයි ද අපේක්ෂා කෙරේ.
පසුගිය දා ජාත්‍යන්තර මූල්‍ය අරමුදල සිය නවතම වාර්තාව නිකුත් කර තිබේ. මේ වසරේ චීන ආර්ථිකය 5%ක වර්ධනයක් සාක්ෂාත් කරනු ඇතැයි එමගින් පු‍රෝකථනය කර ඇත. දැවැන්ත රාජ්‍ය ආයෝජනය හා අඛණ්ඩව ප්‍රකෘතිමත් වන පෞද්ගලික පරිභෝජනය එම වර්ධනයට දායක වන බව ද එම වාර්තාව වැඩිදුරටත් පෙන්වා දී ඇත.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්