දැනට ක්‍රියාත්මක කම්කරු පනත් පහක් වහා සංශෝධනය කිරීමට රජය තීරණය කර තිබෙනවා.
ඒ අනුව සේවක අර්ථසාධක අරමුදල, පාරිතෝෂිත දීමනා පනත, පඩි පාලක සභා ආඥා පනත, සාප්පු හා කාර්යාල සේවක පනත, සේවක වන්දි ආඥා පනත මෙසේ සංශෝධනය කිරීමට නියමිතය.
සේවක අර්ථසාධක අරමුදල් පනත සංශෝධනය කරමින් දායක මුදල් නොගෙවීමේ නඩු කම්කරු විනිශ්චය සභාවට යොමු කිරීමට බලය ලබාදෙනු ඇත.
පාරිතෝෂිත දීමනා ගෙවීම්වලට අදාළ නඩුව කම්කරු විනිශ්චය සභාවට යොමු කිරීමට ඉඩදෙමින් පාරිතෝෂිත දීමනා පනත සංශෝධනය කෙරේ.
කම්කරුවන්ට දැනට ගෙවන රුපියල් 5,50,500ක වන්දිය රුපියල් ලක්ෂ විස්ස දක්වා වැඩි කිරීම සහ එම වන්දි නඩු විභාග කිරීමේ බලය කම්කරු විනිශ්චය සභාවට පැවරීම සඳහා සේවක වන්දි ආඥා පනත සංශෝධනය කෙරේ.
කම්කරු නිලධාරීන් සමග ඇමැතිවරයා කම්කරු අමාත්‍යාංශයේ පැවැති සාකච්ඡාවකදී මේ බව අනාවරණය විය.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ